पंजाब: पंजाबमध्ये यंदा आम आदमी पार्टीने निवडणूक लढवण्याचा निर्णय घेतल्या नंतर काँग्रेससमोर मोठे आव्हान निर्माण झाले आहे. काँग्रेसकडून नवजोत सिंह सिद्धू (Navjot Singh Sidhu) आणि चरणजीत सिंह चन्नी (Charanjit Channi)या दोघांची नावे समोर आली. यापैकी कोणाला मुख्यमंत्री पदाचा उमेदवार म्हणून घोषित करणार याची चर्चा सुरु होती. दरम्यान काँग्रेस नेते राहुल गांधी (Rahul Gandhi) यांनी लुधियाणा प्रचारा दरम्यान चरणजीत सिंह चन्नी यांना काँग्रेसकडून मुख्यमंत्री पदाचा उमेदवार म्हणून घोषित केले. मुख्यमंत्री पदाची घोषणा झाल्यानंतर चरणजीत सिंह चन्नी यांनी माध्यमां समोर पहिली प्रतिक्रिया दिली आहे.

पंजाबमध्ये काँग्रेस दोन तृतीयांश बहुमताने सरकार स्थापन करेल आणि जनतेचे सरकार स्थापन होईल अशी प्रतिक्रिया चरणजीत सिंह चन्नी यांनी दिली.

पुढे ते म्हणाले, काँग्रेस आता पंजाबचा कायापालट करण्यासाठी काम करेल. सगळे काम तुमच्या कृपेने होत आहे. ही एक मोठी लढाई आहे जी मी एकटा लढू शकत नाही. माझ्याकडे ना पैसा आहे, ना हिम्मत. आता पंजाबचे नागरीकच मला हिंमत देतील. मला काम करण्यासाठी तेच मदत करतील अशी भावना त्यांनी व्यक्त केली.