नवी दिल्ली : भारतीय कोळसा कंपनी कोल इंडिया भारतातील वीज तुटवडा भरून काढण्यासाठी इंधनाची आयात करणार आहे. देशात वीज तुटवड्यामुळे त्रास होऊ नये म्हणून केंद्रीय उर्जा मंत्रालयाने हा निर्णय घेतला आहे. दिवसेंदिवस भारतातील वीजसंकट आणखी गडद होत असून त्यामुळे भविष्यात त्रास होऊ नये यासाठी हा निर्णय घेण्यात आला आहे. भारतातील सर्वांत मोठी कोळश्याची खाण असलेली कोल इंडिया आयात केलेल्या कोळश्याचा वीज बनवण्यासाठी वापर करणार आहे.

(Coal Import)

दरम्यान २०१५ साली कोल इंडियाने इंधनाची आयात केली होती. यावर्षीच्या एप्रिलमध्ये राज्यात आणि देशभरात वीजतुटवडा निर्माण झाला होता. ही परिस्थिती परत उद्भवू नये यासाठी केंद्रीय आणि राज्यातील उर्जा मंत्र्याने हा निर्णय घेतला आहे. मागच्या सहा वर्षातील वीजेसंदर्भातील परिस्थिती रोखण्याचं मुख्य आव्हान देशासमोर आहे. "कोल इंडिया हा भारतातील सरकार ते सरकार वीज पुरवण्यासाठी कोळसा आयात करेल आणि देशात वीज पुरवठा करेल." असं केंद्रीय उर्जामंत्रालयाने सांगितलं आहे.

यासंदर्भातील पत्र सर्व केंद्रीय उर्जा अधिकारी, राज्यातील अधिकारी आणि कोल इंडियाच्या चेअरमन यांना पाठवण्यात आलं आहे. २०२२ च्या पहिल्या तिमाहीत भारतात वीजेच्या तुटवड्यामुळे त्रास सहन करावा लागला होता. उर्जामंत्रालयाने दिलेल्या पत्रात म्हटलंय की, राज्यांद्वारे कोळसा आयातीच्या अनेक निविदांमध्ये गोंधळ निर्माण होईल त्यासाठी कोल इंडियाद्वारे केंद्रीकृत खरेदीची मागणी केली आहे. परंतु ऊर्जा मंत्रालयाने शनिवारी राज्यांना प्रक्रियेत असलेल्या निविदा स्थगित करण्यास सांगितले.

"कोळसा आयात करण्यासाठी राज्य जनरेटर आणि IPPs द्वारे सुरू असलेल्या निविदा कोल इंडियाच्या किमतीच्या शोधाची प्रतीक्षा करण्यासाठी स्थगित ठेवल्या जाऊ शकतात, जेणेकरून कमीत कमी संभाव्य दराने कोळसा खरेदी करता येईल," असं मंत्रालयाने म्हटले आहे.