नवी दिल्ली : काँग्रेसने आगामी लोकसभा निवडणुकीसाठी पाचवी यादी जाहीर केली असून, 56 उमेदवारांची घोषणा केली आहे. याबरोबरच काँग्रेस आंध्र प्रदेश आणि ओडिशा विधानसभेसाठी उमेदवारांची घोषणा केली.
 

काँग्रेसने आतापर्यंत चार याद्या जाहीर केल्या होत्या. आता पाचवी यादीही जाहीर करत एकूण 137 उमेदवारांची घोषणा आतापर्यंत करण्यात आली आहे. काँग्रेसच्या पाचव्या यादीत पश्चिम बंगाल, आंध्र प्रदेश, आसाम, ओडिशा, तेलंगणा आणि उत्तर प्रदेशातील उमेदवारांचा समावेश आहे.

काँग्रेसने माजी राष्ट्रपती प्रणव मुखर्जी यांचा मुलगा अभिजीत मुखर्जीला पश्चिम बंगालमधील जंगीपूर उमेदवारी दिली आहे. तर, बंगालचे प्रदेशाध्यक्ष अधीररंजन चौधरी बेहरामपूरमधून रिंगणात असतील. माजी केंद्रीय मंत्री प्रियरंजन दासमुन्शी यांची पत्नी दीपा दासमुन्शी रायगंजमधून लढतील. माजी मंत्री पल्लम राजू यांनी आंध्रातील किकिनाडातून, राज्यसभा सदस्य जे. डी. सालम यांना बाप्टलामधून उमेदवारी देण्यात आली आहे.