पंजाब काँग्रेससाठी आजचा दिवस मोठ्या कसोटीचा ठरला. आज दुपारी माजी मुख्यमंत्री अमरिंदर सिंग यांनी दिल्लीकडे कुच करताच वेगवेळ्या चर्चांना सुरूवात झाली. ते काँग्रेस सोडणार असा अंदाज वर्चवला जात असतानाच, सिद्धू (Navjot Singh Sidhu) यांनी अचानक काँग्रेस प्रदेश अध्यक्ष पदाचा राजीनामा दिल्याने मोठी खळबळ उडाली. सिद्धू यांच्या राजीनाम्यानंतर काँग्रेसमध्ये राजीनामा नाट्याला सुरुवात झाली आणि अनेक काँग्रेस पदाधिकाऱ्यांनी राजीनामे दिले. मात्र आता काँग्रेस हाय कमांडने सिद्धू यांचा राजीनामा फेटाळल्याचे वृत्त समोर आले आहे.

काँग्रेस हायकमांडने नवजोत सिंग सिद्धू यांच्या पदाचा राजीनामा फेटाळून लावला आहे. आज नवज्योत सिंग सिद्धू यांनी आपल्या पदाचा राजीनामा दिल्यानंतर पंजाबमध्ये राजीनामा सत्राला सुरुवात झाली. काही वेळापुर्वीच काँग्रेस नेते गुलझार इंदर चहल आणि कॅबीनेट मंत्री रझिया सुल्तान यांनी राजीनामा दिला होता. त्यानंतर लगेचच पंजाब काँग्रेसचे सरचिटणीस योगिंदर धिंग्रा यांनी राजीनामा दिला आहे. सिद्धू यांनी राजीनामा दिल्याने काँग्रेससाठी हा एक मोठा धक्का असल्याचे म्हटलं जात होतं. त्यानंतर आता नवज्योत सिंग सिद्धूंचा राजीनामा फेटाळला आहे.