काँग्रेस पक्षाचे दिग्गज नेते अहमद पटेल यांचे निधन झाले आहे. महिन्याभरापूर्वी त्यांचा कोरोना रिपोर्ट पॉझिटिव्ह आला होता. तेव्हापासून त्यांच्यावर रुग्णालयात उपचार सुरु होते. बुधवारी सकाळी 3 वाजून 30 मिनिटांनी अहमद पटेल यांनी गुरुग्राम येथील रुग्णालयातच अखेरचा श्वास घेतला. त्यांचा मुलगा फैजल यांनी वडिलांच्या मृत्यूची माहिती दिली आहे.  

अहमद पटेल  71 वर्षांचे होते.  काँग्रेस पक्षाचे दिग्गज नेत्याच्या निधनावर पक्षाचे माजी अध्यक्ष आणि विद्यमान खासदार राहुल गांधी , यांनी ट्विटच्या माध्यमातून शोक व्यक्तकेलाय. अहमद पटेल हे पक्षाचा मजबूत स्तंभ होते. सर्वात कठिण काळात ते पक्षासोबत उभे राहिले. त्यांच्या कुटुंबियांच्या दुखात आम्ही सहभागी आहोत, असे ट्विट राहुल गांधी यांनी केले आहे.  

पटेल यांचे चिरंजीव फैसल पटेल आणि मुलगी मुमताज सिद्दीकी यांनी ट्विटरच्या माध्यमातून वडिलांच्या निधनासंदर्भातील माहिती दिली. बुधवारी पहाटे 3.30 वाजता रुग्णालयातच अहमद पटेल यांनी अखेरचा श्वास घेतल्याचे त्यांनी सांगितले. एक महिन्यांपूर्वी अहमद पटेल यांना कोरोनाची बाधा झाली होती. उपचारादरम्यान त्यांची तब्येत बिघडत गेली. असा उल्लेखही फैसल आणि मुमताज यांनी केला आहे.