नवी दिल्ली : भारतात सध्या निवडणुकांसाठी मतदान सुरू असून या निवडणुकीनंतर पंतप्रधान नरेंद्र मोदी या पदावर कायम राहणार नाही. यामुळे टेस्लाचे सीईओ एलन मस्क यांनी आपला पूर्वनियोजित रद्द केला आहे, असा टोला काँग्रेसचे सरचिटणीस व खासदार जयराम रमेश यांनी हाणला आहे.
पूर्वनियोजित कार्यक्रमानुसार एलन मस्क भारतात येणार होते. यावेळी टेस्ला या इलेक्ट्रिक गाड्या तयार करण्याच्या संदर्भात काही करारही केंद्र सरकारसोबत करणार होते. परंतु अचानक त्यांनी हा दौरा रद्द करून सप्टेंबर किंवा ऑक्टोबर महिन्यात हा दौरा होईल, असे सुचविले आहे. या रद्द झालेल्या दौऱ्यावरून काँग्रेसने भाजपला घेरण्याचा प्रयत्न चालविला आहे. पंतप्रधान मोदी हे मावळते पंतप्रधान असल्याची जाणीव एलन मस्क यांना झाल्यामुळे त्यांनी भारत दौरा रद्द केल्याचा दावा खासदार रमेश यांनी केला आहे. काँग्रेसचे धोरण विदेशातील गुंतवणूक वाढविण्यासाठी राहणार असून निवडणुकीनंतर सत्तेवर आल्यानंतर परकी गुंतवणुकीच्या वाढीसाठी काँग्रेस प्रयत्न करेल, असा दावाही त्यांनी केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.