काँग्रेस नेते कमलनाथ (Congress leader Kamal Nath) यांनी मध्य प्रदेश विधानसभेतील (Madhya Pradesh Assembly) विरोधी पक्षनेतेपदाचा राजीनामा दिला आहे.

काँग्रेस हायकमांडनं (Congress High Command) माजी मुख्यमंत्र्यांचा पदाचा राजीनामा स्वीकारला असून डॉ. गोविंद सिंग यांची काँग्रेस विधिमंडळ पक्षाचे नेते म्हणून यांची नियुक्ती केलीय. डॉ. गोविंद सिंग आता मध्य प्रदेश विधानसभेतील विरोधी पक्षनेतेपदही सांभाळतील.

दरम्यान, 28 एप्रिलला लिहिलेल्या पत्रात काँग्रेसचे सरचिटणीस के. सी. वेणुगोपाल यांनी कमलनाथ यांना लिहिलंय की, 'तुम्हाला कळवत आहोत की माननीय काँग्रेस अध्यक्षांनी तुमचा मध्य प्रदेश काँग्रेस विधिमंडळ पक्ष नेते पदाचा राजीनामा तात्काळ प्रभावानं स्वीकारलाय. तुमच्या योगदानाचं पक्ष मनापासून कौतुक करतो. माननीय काँग्रेस अध्यक्षांनी डॉ. गोविंद सिंग यांना काँग्रेस विधिमंडळ पक्ष, मध्य प्रदेशचे नेते म्हणून नियुक्त करण्याच्या प्रस्तावाला देखील मान्यता दिलीय, असं त्यांनी शेवटी नमूद केलंय.