Congress President Election: काँग्रेसच्या अध्यक्षपदाच्या उमेदवारांची यादी दिवसांनदिवस वाढत चालली आहे. शशी थरूर, अशोक गेहलोत, दिग्विजय सिंह यांच्यासह आणखी काही इच्छूक नेत्यांची नावे आतापर्यंत समोर आली आहेत. आता प्रियांका गांधी यांना पक्षाच्या राष्ट्रीय अध्यक्षा करण्याची मागणीही जोर धरू लागली आहे. आसाममधील बारपेटा येथील काँग्रेस खासदार अब्दुल खालिक यांनी बुधवारी प्रियांका गांधी यांनी पक्षाध्यक्षपदाची सूत्रे हाती घ्यावीत असं ट्विट केलं आहे.

काँग्रेसचे खासदार अब्दुल खालिक यांनी बुधवारी सांगितले की, भारतीय परंपरेनुसार प्रियंका गांधी आता गांधी कुटुंबाच्या सदस्य नाहीत, त्या आता वाड्रा कुटुंबाच्या सून आहेत. अशा स्थितीत त्यांना काँग्रेस अध्यक्षपदाचा उमेदवार बनवावा. ती सगळ्या उमेदवारांपेक्षा सर्वोत्तम उमेदवार असतील.

ट्विटमध्ये म्हटले आहे की, "राहुल गांधी पुन्हा काँग्रेस अध्यक्ष होण्यास नकार देत आहेत. यासाठी मी प्रियंका गांधी यांना सर्वोत्तम उमेदवार मानतो. वाड्रा कुटुंबाची सून असल्याने त्या भारतीय परंपरेचे पालन करतात. आणि त्या आता गांधी कुटुंबाचे सदस्य नाहीत.