अरुणाचल प्रदेशमध्ये भारत आणि चीनच्या सैनिक एकमेकांना भिडल्याची घटना समोर आली आहे. या चकमकीत दोन्ही देशांचे सैनिक जखमी झाल्याचे वृत्त आहे. ही चकमक 9 डिसेंबरला तवांगजवळ झाली. यादरम्यान भारतीय जवानांनी चीनला चोख प्रत्युत्तर दिले. ऑक्टोबर 2021 मध्ये अरुणाचल प्रदेशातील यांगसे येथे देखील दोन्ही देशांच्या सैनिकांमध्ये वाद झाला होता.

दरम्यान कॉंग्रेसकडून प्रतिक्रिया दिली आहे. अरुणाचल प्रदेशच्या तवांग सेक्टरमध्ये भारत-चीन सैनिक एकमेकांना भिढल्याची माहिती समोर येत आहे. आता वेळ आली आहे की सरकारने आता गुळगुळीत भूमिका सोडून चीनला कठोर शब्दात सांगावे की त्यांची अशी वर्तवणूक सहन केली जाणार नाही, असे म्हटले आहे.

लष्कराच्या उच्चपदस्थ सूत्रांनी सांगितले की, 9 डिसेंबर 2022 रोजी तवांग सेक्टरमध्ये एलएसीजवळ पीएलए सैनिकांशी चकमक झाली होती. आपले सैनिक धैर्याने लढले. समोरासमोर झालेल्या या लढतीत दोन्ही बाजूंच्या काही जवानांना किरकोळ दुखापत झाली आहे. पीटीआय या वृत्तसंस्थेच्या सूत्रांनी दिलेल्या माहितीनुसार, 6 जवानांना उपचारासाठी गुवाहाटी येथे आणण्यात आले आहे.

हेही वाचा - सीमावादात रक्त सांडायला मराठी माणूसच का?

या चकमकीत भारताचे 30 हून अधिक जवान जखमी झाले आहेत. अनेक चिनी सैनिकही जखमी झाले आहेत. दरम्यान चीनी सैनिकांची संख्या जास्त असल्याचे सांगितले जात आहे. भारताचा एकही सैनिक गंभीर जखमी नसला तरी. या चकमकीनंतर शांतता प्रस्थापित करण्यासाठी भारताच्या कमांडर्सनी चीनच्या कमांडर्ससोबत फ्लॅग मीटिंग घेतली. त्यानंतर दोन्ही देशांचे सैनिक मागे हटले.