दिल्ली : नॅशनल हेराॅल्ड प्रकरणात काँग्रेसचे माजी अध्यक्ष राहुल गांधी यांना उद्या सोमवारी (ता.१२) ईडीने चौकशीसाठी बोलवले आहे. याच दिवशी काँग्रेसने देशभरात निदर्शने करुन ताकद दाखवण्याचे नियोजन केले आहे. काँग्रेस नेता मनिकम टागोर म्हणाले, तापस संस्थेच्या २५ कार्यालयांबाहेर काँग्रेस नेते निदर्शने करणार आहेत. काँग्रेसचा आरोप आहे, की सोनिया गांधी (Sonia Gandhi) आणि राहुल गांधी (Rahul Gandhi) यांना सापळ्यात अडकवले जात आहे. भाजपनेही काँग्रेसवर पलटवार करत म्हटले, की राहुल गांधी आणि सोनिया गांधी हे दोघेही जामिनावर बाहेर आहेत. (Congress Protest Against Enforcement Directorate For Summon To Sonia And Rahul Gandhi)

उद्या राहुल गांधी यांना ईडीसमोर सादर व्हायचे आहे. यापूर्वीच काँग्रेस (Congress Party) नाटक करत आहे. पक्षाने आपल्या सर्वच नेत्यांना दिल्लीला बोलवत आहे. या नाटकाचा अर्थ काय? भाजपचे (BJP) राष्ट्रीय प्रवक्ता संबित पात्रा म्हणाले, जर दिग्विजय सिंहसारखा नेता पत्रकार परिषद घेतात तर त्याचा काय अर्थ आहे? तुम्ही पत्रकार परिषद करुन नाटक काय करत आहे? ईडीसमोर स्वतः निर्दोषत्व सिद्ध करा. सत्याग्रह काय असते? या नकली गांधींकडून नकली सत्याग्रहाला पाहून गांधीजींनाही शर्म वाटली असती. राहुल गांधी यांनी कायद्याचे उल्लंघन करु नये. कारण हे राजकारण नाही, असे पात्रा म्हणाले.

राहुल गांधींना २ जून रोजी चौकशीसाठी बोलवण्यात आले होते. मात्र त्यांनी दुसरी तारीख मागितली होती. कारण ते त्यावेळी देशाबाहेर होते. दुसरीकडे सोनिया गांधी यांना ८ जून रोजी बोलवण्यात आले होते. मात्र कोरोनामुळे त्यांचीही तारीख पुढे ढकलण्यात आली असून सोनिया गांधी यांना २३ जूनची तारीख देण्यात आली आहे.