नवी दिल्ली -  देशातील कोरोनाच्या रुग्णांची संख्या वाढत असली तरी रुग्ण बरे होण्याचे प्रमाणही दिलासादायक आहे. देशातील हे प्रमाण 64 टक्के झाले आहे, अशी माहिती केंद्रीय आरोग्य मंत्रालयाने सोमवारी दिली. देशातील मृत्यदरही कमी झाला असून, तो 2.28 टक्‍क्‍यांवर आला आहे. 

देशात कोरोना रुग्णांचा आकडा दिवसेंदिवस वाढत आहे. गेल्या चोविस तासांत देशात  31 हजार रुग्ण सापडले असून, आतापर्यंत बरे होऊन घरी गेलेल्या रुग्णांची संख्या नऊ लाखांवर गेली आहे. देशांत रुग्ण बरे होण्याचे प्रमाण 64 टक्‍क्‍यांवर गेले आहे. 

ताज्या बातम्यासाठी डाऊनलोड करा ई-सकाळचे अॅप

जवळपास पावणेपाच लाख रुग्ण सक्रिय असून एकूण रुग्णांचा आकडा साडेचौदा लाखांवर गेला आहे. गेल्या चोविस तासात 708 जणांचा मृत्यू झाला आहे, तर एकूण मृतांचा आकडा 32 हजारांवर गेला आहे. 

आयसीएमआरच्या अहवालानुसार, 26 जुलैपर्यंत 1 कोटी 68 लाख कोरोना चाचण्या झाल्या आहेत. यात रविवारी 5 लाख 15 हजार जणांची एकाच दिवशी तपासणी करण्यात आली. 

पुण्याच्या बातम्या वाचण्यासाठी येथे क्लिक करा