नवी दिल्ली: भारतात कोरोनाचे रुग्ण दिवसेंदिवस वाढताना दिसत आहेत. मागील 4-5 दिवसांपासून प्रतिदिन रुग्णवाढ 40 ते 50 हजारांदरम्यान वाढत आहे. मागील 24 तासांत देशात कोरोनाचे 44 हजार 059 रुग्णांचे निदान झाले असून 511 रुग्णांचा मृत्यू झाला आहे. दिवाळीच्या अगोदर कोरोनाचे रुग्णवाढ कमी झाली होती. प्रतिदिन कोरोना रुग्णवाढ 30 हजारांच्या खाली गेली होती.
आतापर्यंत देशात 91 लाखांपेक्षा जास्त लोकांना कोरोनाची बाधा झाली आहे. कोरोनामुळे मृत्यू झालेल्यांचा आकडा 1 लाख 33 हजार 738 वर गेला आहे. तर एकूण बाधितांची संख्या 91 लाख 39 हजार 866 झाली आहे. सध्या देशात कोरोनाचे 4 लाख 43 हजार 486 रुग्ण उपचार घेत आहेत.
दिलासादायक बाब म्हणजे आतापर्यंत देशात 85 लाख 62 हजार 642 जण कोरोनामुक्त झाले आहेत. तर मागील 24 तासांत 41 हजार 24 जणांनी कोरोनावर मात केली आहे. दिवसेंदिवस कोरोना रुग्ण बरे होण्याचे प्रमाण वाढत आहे पण कोरोना रुग्णांचा प्रसार वाढतच आहे.
रविवारी देशात कोरोनाच्या 8 लाख 49 हजार 596 चाचण्या पार पडल्या आहेत. तर आतापर्यंत 13 कोटी 25 लाख 82 हजार 730 चाचण्या झाल्याची माहिती आयसीएमआरने (Indian Council of Medical Research) दिली आहे.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.