नवी दिल्ली : भारतातील कोरोनाबाधितांची एकूण संख्या 98.57 लाखांवर पोहोचली आहे. यापैकी 93.57  लाख लोक बरे आतापर्यंत कोरोनातून मुक्त झाले आहेत. सध्या देशाचा रिकव्हरी रेट 94.93 टक्के आहे. याबाबतची माहिती केंद्रीय आरोग्य मंत्रालयाने दिली आहे. 

हेही वाचा - Farmers Protest : दिल्लीकडे जाणारे रस्ते करणार जाम; आमरण उपोषणाचा दिला इशारा
12 डिसेंबरपर्यंत एकूण 15,37,11,833 लोकांची कोरोना चाचणी केली गेली आहे. यातील 10,14,434 चाचण्या या गेल्या 24 तासांत करण्यात आल्या आहेत. याबाबतची आकडेवारी इंडियन काऊंसिल ऑफ मेडीकल रिसर्चने दिली आहे.

देशातील एकूण कोरोनाबाधितांची संख्या ताज्या आकडेवारीनुसार 98,57,029 वर जाऊन पोहोचली आहे. गेल्या 24 तासांत कोरोनाचे 30,254 नवे रुग्ण सापडले आहेत. देशातील कोरोनाबाधित मृतांचा आकडा 1,43,019 वर गेला आहे. गेल्या 24 तासांत कोरोनाचे 391 रुग्ण मृत्यू पावले आहेत. कोरोनाच्या विळख्यातून स्वत:ला मुक्त करत 93,57,464 जण उपचारांनंतर घरी  गेले आहेत.

सध्या देशाचा कोरोना मृत्यू दर हा 1.45 टक्के आहे.सध्या देशातील कोरोनाबाधितांची ऍक्टीव्ह रुग्णसंख्या ही 3,56,546 आहे. सध्या जगाची परिस्थिती पाहता कोरोना रुग्णांच्या संदर्भात अमेरिकेनंतर भारताचा क्रमांक  लागतो.