नवी दिल्ली : काल बुधवारी भारतामध्ये नवे 24,010 रुग्ण सापडले. तर भारताचा सध्याचा रिकव्हरी रेट हा 95 टक्के आहे. याबाबतची माहिती केंद्रीय आरोग्य मंत्रालयाने दिली आहे. गेल्या 24 तासांत सापडलेल्या नव्या रुग्णांसह भारतातील एकूण आजवरच्या कोरोनाबाधितांची संख्या ही 99,56,558 वर जाऊन पोहोचली आहे. गेल्या 24 तासांत 355 कोरोनाबाधितांचा मृत्यू झाला आहे. या नव्या रुग्णांच्या मृत्यूसह एकूण मृतांची संख्या 1,44,451 वर जाऊन  पोहोचली आहे. सध्या देशात 3,22,366 इतके कोरोनाचे ऍक्टीव्ह रुग्ण आहेत. 

गेल्या 24 तासांत 11,58,960 कोरोना चाचण्या करण्यात आल्या. या नव्या चाचण्यांसह एकूण आजवर 15,78,05,240 कोरोनाचाचण्या करण्यात आल्या आहेत. याबाबतची माहिती इंडियन काऊंसिल ऑफ मेडिकल रिसर्चने दिली आहे.

ब्रिटन आणि अमेरिकेतील नागरिकांना कोरोनावरील लस देण्याची प्रक्रिया सुरु झाली आहे. तर जगातील इतर देश या लशीची आतुरतेने वाट पाहत आहेत. याचदरम्यान एक अहवाल समोर आला आहे. या अहवालानुसार वर्ष 2022 पर्यंत जगातील पाचवा हिस्सा म्हणजे सुमारे 20 लोकांना कोरोनाच्या लशीसाठी 2022 पर्यंत वाट पाहावी लागण्याची शक्यता आहे.