कटिहार (बिहार) : कोरोनो व्हायरसमुळे अनेकांना गावातील शाळांमध्ये क्वारंटाइन व्हावे लागले आहे. क्वारंटाइनमधील अनेक व्हिडिओ सोशल मीडियावर व्हायरल होताना दिसतात. एका डान्सचा व्हिडिओ सोशल मीडियावर व्हायरल झाला असून, तो रॉकस्टार झाला आहे.
बिहारमधील कटिहार येथील एका शाळेत मजुरांना आणि प्रवाशांना क्वारंटाइन सेंटरमध्ये ठेवण्यात आले आहे. या क्वारंटाइन सेंटरमध्ये रिंकू आचारी म्हणून काम करत आहे. क्वारंटाइन सेंटरमध्ये वेळ भरपूर असल्यामुळे अनेकजण मनोरंजनासाठी आपापल्या कलागुणांना वाव देताना दिसतात. क्वारंटाइन सेंटरमधील नागरिकांनी रिंकूला डान्स करण्याची विनंती केली. रिंकूने नागरिकांच्या आग्रहात्सव 'एक चतुर नार...' या गाण्यावर डान्स केला. त्याच्या या डान्सला उपस्थितांनी मोठा प्रतिसाद दिला. तर उपस्थितांपैकी काहींनी डान्स मोबाईलमध्ये कैद केला आणि व्हायरल केला. डान्सचा व्हिडिओ सोशल मीडियावर मोठ्या प्रमाणात व्हायरल होत असून, रिंकू रॉकस्टार झाला आहे.
दरम्यान, क्वारंचाइन सेंटरमध्ये जेवण बनवणारा रिंकू एका लहान गावात हॉटेल चालवतो. रिंकू म्हणाला, मला लहानपणापासून डान्स करण्याची आवड आहे. कुणी आग्रह केला किंवा संधी मिळाली तर मी डान्स करतो. माझ्या डान्समुळे क्वारंटाइन सेंटरमध्ये आलेल्या प्रवासी आणि मजुरांचे मनोरंजन झाले आहे. डान्समुळे अनेकांना सकारात्मक ऊर्जा मिळेल आणि ते लवकर बरे होतील.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.