देशात कोरोनाग्रस्तांचा आकडा थांबण्याची चिन्हे दिसत नाहीत. जगातील अन्य देशांच्या तुलनेत भारतात कोरोना विषाणूचा प्रादुर्भाव हा वेगाने होताना दिसतोय. देशात प्रतिदिन 45- 50 हजारच्या घरात रुग्ण आढळून येत असून कोरोनाग्रस्तांचा आकडा हा 16 लाखांहून अधिक पोहचला आहे. देशातील मृतांचा आकडाही 35 हजारांच्या घरात पोहचला असून भारताने आता इटलीला मागे टाकले आहे. वर्ल्डओमीटरच्या आकडेवारीनुसार, कोरोनामुळे भारतात इटलीपेक्षाही अधिक लोकांनी आपला जीव गमावला आहे. कोरोनामुळे देशातील मृतांचा आकडा हा 35,786 इतका आहे.

भारत विनाअट मदत करतो - नरेंद्र मोदी

कोरोनाच्या प्रादुर्भावामुळे मृतांचा आकडा सर्वाधिक असणाऱ्या राष्ट्रांच्या यादीत अमेरिका अव्वलस्थानी आहे. अमेरिकेतील 1,55,067 लोकांना कोरोनामुळे आपला जीव गमवावा लागला आहे.  ब्रिटेन 45,999, ब्राझील में 91,377 आणि मॅक्सिकोमध्ये 45,361 लोकांचा कोरोनामुळे मृत्यू झाल्याचे समोर आले आहे.  देशात आतापर्यंत 16,39,350 रुग्ण आढळले आहेत. यातील  10,59,093 लोक बरे झाले ही समाधानाची बाब आहे. सध्याच्या घडीला  5,44,471 एक्टिव केस आहेत. अमेरिका, ब्राझीलनंतर देशात कोरोनाचा प्रादुर्भाव झपाट्याने होताना दिसतोय. मागील 24 तासांत 53,123 नवे रुग्ण आढळले आहेत.