नवी दिल्ली - भारतात कोरोना लस मिळण्याची प्रतीक्षा आता लवकरच संपणार आहे. नव्या वर्षाच्या पहिल्या दिवशी सीरमच्या कोविशिल्ड लशीच्या वापरासाठी ना हरकत प्रमाणपत्र तज्ज्ञांच्या समितीने दिलं आहे. आपत्कालीन वापरासाठी परवानगी देण्याबाबतची शिफारस तज्ज्ञांनी डीजीसीआयकडे केली आहे. कोविशिल्डच्या वापराला काही अटींसह वापर करण्यासाठी परवानगी देता येईल असं समितीने म्हटलं आहे.
तज्ज्ञांच्या समितीने शिफारस दिल्यानंतर औषध नियंत्रण महासंचालकांकडून परवानगी आवश्यक आहे. तसंच सेंट्रल ड्रग्ज स्टँडर्ड कंट्रोल ऑर्गनायझेशनची परवानगीही गरजेची आहे. त्यानंतर भारतात कोरोना लशीच्या वापरासाठी मार्ग मोकळा होईल.
सीरम इन्स्टिट्यूटने त्यांच्याकडे 7.50 कोटी डोस तयार असल्याची माहिती दिली आहे. तसंच लशीला परवानगी मिळताच पुढच्या आठवड्यात 10 कोटींपर्यंत डोस तयार होतील अशी माहितीसुद्धा सीरमच्यावतीने देण्यात आली.
देशभरात 2 जानेवारीला कोरोना लशीच्या लसीकरणाची रंगित तालीम होणार आहे. याबाबतची माहिती देशाचे आरोग्य मंत्री डॉक्टर हर्ष वर्धन यांनी दिली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.