coronavirus Update : हळूहळू देशातील कोरोना महामारीचं प्रमाण कमी होत आहे. गेल्या काही दिवसांपासून कोरोना माहामारीची दुसरी लाट ओसरली असून नव्या रुग्णांच्या संख्येत सातत्यानं घट होत असल्याचं पाहायला मिळत आहे. केंद्रीय आरोग्य मंत्रालयाने दिलेल्या माहितीनुसार, 24 तासांत देशात 14 हजार 313 नवे रुग्ण आढळले आहेत. मागील 224 दिवसांतील ही सर्वात कमी रुग्णसंख्या आहे. कोरोनामुक्त होणाऱ्यांचेही प्रमाण वाढलं आहे. देशाचा कोरोना रिकव्हरी रेट 98.04 इतका झाला आहे.
केंद्रीय आरोग्य मंत्रालयाने दिलेल्या माहितीनुसार, मागील 24 तासांत देशात 14 हजार 313 नवे रुग्ण आढळलेत. तर 181 जणांचा मृत्यू झाला आहे. याच कालावधीत 26,579 जणांनी कोरोनावर मात केली आहे. कोरोनामुक्त रुग्णांचं प्रमाण वाढल्यामुळे उपचाराधीन रुग्णांची संख्याही कमी झाली आहे. देशातील उपचाराधीन रुग्णांची संख्या 2,14,900 इतकी झाली आहे. 212 दिवसांतील ही सर्वात कमी सख्या आहे.
देशातील कोरोना स्थिती -
एकूण कोरोना रुग्ण - 3,39,85,920
उपचाराधीन रुग्ण - 2,14,900
एकूण कोरोनामुक्त 3,33,20,057
एकूण मृत्यू - 4,50,963
एकूण लसीकरण - 95,89,78,049
24 तासांतील लसीकरण - 65,86,092
कोरोना रुग्णांची संख्या कमी होत असल्यामुळे दिवसाचा आणि आठवड्याचा पॉझिटिव्हिटी रेटही घटला आहे. देशातील कोरोना रुग्णाचा आठवड्याचा पॉझिटिव्हिटी रेट 1.48 टक्के तर दिवसाचा पॉझिटिव्हिटी रेट 1.21 टक्के इतका आहे. केरळ, महाराष्ट्र, कर्नाटकसह इतर राज्यात कोरोना रुग्णांची संख्या कमी झाली आहे. परिणामी देशातील कोरोना महामारीचा प्रादुर्भाव आटोक्यात आल्याचं चित्र आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.