आपल्या देशात देवावर विश्वास ठेवणाऱ्यांची कमी नाही. कोणतेही चांगले काम करण्यापूर्वी देवाचे नाव घेतले जाते. तसेच मनातील इच्छा, नवस किंवा एखादी आनंदाची गोष्ट घडल्यास देवाला नवस देण्याची प्रथा आहे. याला विरोध होत असला तरी नवस दिलेच जातात. यामुळे बकरा (Goat), कोंबडीचा बळी दिला जातो. सणानिमित्त बकऱ्याचा बळी दिली जात असताना चक्क माणसाची मान कापण्यात (Man neck was cut off) आली. ही घटना आंध्र प्रदेशातील चित्तूर येथे घडली.

न्यू इंडियन एक्स्प्रेसमधील वृत्तानुसार, आंध्र प्रदेशातील (andhra pradesh) चित्तूर वलसापल्ले येथील मंदिरात संक्रांतीनिमित्त बलिदानाची प्रथा आहे. येथील लोक दरवर्षी संक्रांतीत प्राण्यांचा बळी देतात आणि येल्लम्मा मंदिरात अर्पण करतात. दरवर्षीप्रमाणे यंदाही बळी देण्याचा कार्यक्रम आयोजिण्यात आला होता. बळी देण्यासाठी बोकडही (Goat) आणला होता.

मात्र, बळी देताना असे काही घडले की एकच खळबळ उडाली. बलिदान सुरू असताना बकऱ्याचा बळी देणाऱ्या व्यक्तीने चक्क बकऱ्याला (Goat) धरून असलेल्या माणसाचीच मान (Man neck was cut off) कापली. यात तो रक्तबंबाळ होऊन कोसळला. मान कापणाऱ्याचे नाव चालपथी असून, बकरा धरणाऱ्याचे नाव सुरेश आहे. मान कापणारा चालपथी हा दारूच्या नशेत होता. त्याने दारूचे सेवन केले होते. सुरेशला जवळच्या मदनपल्ले येथील शासकीय रुग्णालयात नेले असता त्याचा मृत्यू झाला, असे पोलिस अधिकाऱ्यांनी सांगितले.

दोघांत काही वाद होता का?

या घटनेनंतर आरोपीला अटक करण्यात आली. मृत सुरेश विवाहित असून त्याला दोन मुले आहेत. चालपथीचा सुरेशसोबत काही वाद होता का, याची पोलिस चौकशी करीत आहेत. पुढील तपास सुरू करण्यात आला असून, संबंधित पक्षांचीही चौकशी सुरू असल्याचे पोलिस अधिकाऱ्याने सांगितले.