नवी दिल्ली - भारतात तालिबानराज आणि अफगाणिस्तानसारखी परिस्थिती आहे, या तेलंगणाचे मुख्यमंत्री के. चंद्रशेखर राव यांच्या विधानावर केंद्रीय मंत्री जी. किशन रेड्डी यांनी आक्षेप घेतला आहे. तसेच त्यांनी केसीआर यांना इशाराही दिला आहे. (K Chandrashekhar rao news in Marathi)

केंद्रीयमंत्री रेड्डी म्हणाले की, केसीआर भारतीय जनता पक्षावर टीका करू शकतात, पण देशाची प्रतिष्ठा कमी होईल असे वक्तव्य करू नये. भाजपवर अप्रत्यक्ष हल्ला चढवत केसीआर म्हणाले की, धार्मिक-जातीय कट्टरता आणि समाजात फूट पाडण्यास प्रोत्साहन दिल्यास आणीबाणीची परिस्थिती निर्माण होईल. देशात तालिबानी राजवट आणि अफगाणिस्तानसारखी परिस्थिती निर्माण होईल, असं केसीआर म्हणाले होते.

दरम्यान केसीआर कुटुंबाकडून सातत्याने असे वक्तव्य करण्यात आहेत, ज्यामुळे देशाचे प्रतिमा मलिन होतेय असा आरोप केंद्रीय मंत्र्यांनी केला आहे. भारतात बॉम्बस्फोट, संचारबंदी, जातीय दंगली आणि इतर प्रकरणे कमी झाली आहेत हे त्यांनी पहावे. जम्मू-काश्मीरमधील डल सरोवराजवळ मुस्लिमांसह अल्पसंख्याक समाजातील हजारो मुले देशहिताच्या घोषणा देत आहेत.

देश अफगाणिस्तानसारखा होत चालला आहे का? ही तुमची बोलण्याची पद्धत आहे का? तुम्ही राजकारण करता, पण देशाचं मूल्य कमी करू नका. तुम्ही नरेंद्र मोदींवर टीका करता, हरकत नाही. आम्ही उत्तर देऊ, पण अशा प्रकारच्या टिप्पण्या करू नये, ज्यामुळे आंतरराष्ट्रीय स्तरावर देशाचे मूल्य कमी होते.

रेड्डी पुढं म्हणाले की, त्यांच्यासाठी देश अफगाणिस्तानसारखा होत चालला आहे का? ही तुमची बोलण्याची पद्धत आहे का? तुम्ही राजकारण करता, पण देशाची प्रतिमा कमी करू नका. तुम्ही नरेंद्र मोदींवर टीका करता, हरकत नाही. आम्ही उत्तर देऊ, पण अशा प्रकारच्या टिप्पण्या करणं योग्य नाही. ज्यामुळे आंतरराष्ट्रीय स्तरावर देशाचे मूल्य कमी होते.