मुंबईः डान्सिंग अंकल अशी ओळख निर्माण करणारे संजीव श्रीवास्तव ऊर्फ डब्बू काका यांनी 'खैके पान बनारस वाला' या गाण्यावर नृत्य केले असून, पुन्हा एकदा चर्चेत आले आहेत. विशेष म्हणजे बीग बी अमिताभ बच्चन यांची दाद मिळाली आहे.
बिग बींच्या 'खैके पान बनारस वाला...' या गाण्यावर डान्सिंग अंकलने नृत्य केले आहे. संबंधित व्हिडिओ सोशल मीडियावर अपलोड करताना त्यांनी अमिताभ बच्चन यांनाही टॅग केला आहे. श्रीवास्तव यांनी म्हटले आहे की, 'फार हिंमत करून तुमच्या गाण्यावर नृत्य केले आहे, कृपया हा व्हिडिओ पाहा.' अमिताभ बच्चन यांनी हा व्हिडिओ पाहिला आणि 'सुपर' या शब्दामध्ये श्रीवास्तव यांची प्रशंसा केली. यामुळे डान्सिंग अंकल पुन्हा एकदा चर्चेत आले आहेत.
काही दिवसांपूर्वी डब्बू काका यांनी 'आप के आ जाने से...' या गाण्यावर नृत्य केले होते. या गाण्याचा व्हिडिओ सोशल मीडियावर व्हायरल झाल्यानंतर रातोरात ते चर्चेत आले होते. सोशल मीडियावर 'डब्बू काका' या नावाने त्यांची ओळख निर्माण झाली. शिवाय, कलाविश्वालाही त्यांनी आपली दखल घ्यायला भाग पाडले होते. यानंतर त्यांना एक जाहिरातसुद्धा मिळाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.