नवी दिल्ली - लसीकरणानंतर (Vaccination) प्रकृतीवर प्रतिकूल परिणामाच्या (Effect) २६ हजार २०० केसेसची (Cases) नोंद देशात (India) झाली. यातील केवळ ४८८ रुग्णांचा मृत्यू (Patient Death) झाला. २३ कोटी ५० लाख डोस (Dose) घेतलेल्या नागरिकांच्या तुलनेत ही टक्केवारी केवळ ०.०१ टक्के इतकी अत्यल्प आहे. यावरून लस घेणे सुरक्षितच असल्याचा मुद्दा अधोरेखित झाला. (Death Percentage Minor after Vaccination in India)

एका वृत्तवाहिनीने १६ जानेवारी ते सात जून दरम्यानची आकडेवारी केंद्रीय आरोग्य मंत्रालयाकडून मिळविली. लस घेतलेल्या दर दहा हजार व्यक्तींमागे केवळ एकाला त्रास झाला, तर दर दहा लाखांमागे केवळ दोघांचा मृत्यू झाला हे याचे मुख्य मुद्दे आहेत.

एइएफआय म्हणजे काय

लस घेतल्यानंतर प्रकृतीवर प्रतिकूल परिणाम झाल्यास संबंधित रुग्ण एईएफआयची केस ठरतो. वैद्यकीय परिभाषेत त्यास अॅडव्हर्स इव्हेंट््स आफ्टर इम्युनायझेशन (एइएफआय) असे संबोधले जाते.

एकूण तीन प्रकार

1) सामान्य किंवा किरकोळ लक्षणे असलेल्या रुग्णांना ताप, अंगदुखीच्या वेदना आणि इंजेक्शन दिलेल्या जागी सूज, चिडचिड असा त्रास होतो.

2) पुढील प्रकार तीव्र असतो ज्यात रुग्णांना अंगदुखी आणि सूज असा त्रास होतो. इंजेक्शन दिलेल्या भागाजवळील स्नायूबंधाला वेदना होतात. तापाची तीव्रता जास्त असते.

3) गंभीर लक्षणे असलेल्या रुग्णांना रुग्णालयात दाखल करावे लागते किंवा त्यांचा मृत्यू होतो किंवा त्यांना शारीरिक दुबळेपणा येतो.

एइएफआय केसेसचे स्वरूप

• ९५% (२४, ९०१) किरकोळ

• २% (४१२) तीव्र

• ३.३९% (८८७) गंभीर

• ८.८५% (२३१८) रुग्णालयात दाखल करण्याची गरज

• १६.५१% (४२३०)सहव्याधींची पार्श्वभूमी

• ४५ टक्के (११८५९) लसीनंतर ताप हे मुख्य कारण

डोस आणि केसेसचे प्रमाण

• ५४७ - कोव्हीशील्डचा डोस

• २० - कोव्हॅक्सिनचा डोस

• ११ - डोसचा तपशील नाही

• ०.०००२१७% कोव्हीशील्ड डोस आणि मृतांची टक्केवारी (लस घेतलेल्या दर दहा लाख व्यक्तींमागे केवळ दोन)

• ०.००००८% कोव्हॅक्सीन डोस आणि मृतांचे प्रमाण (लस घेतलेल्या दर दहा लाख व्यक्तींमागे केवळ एकाहून कमी व्यक्ती)

• ०.०००२०% एकूण डोस आणि मृतांचे प्रमाण (लस घेतलेल्या दर १० लाख व्यक्तीं केवळ दोन)

डोसनंतर त्रासाचा कालावधी

• २५.०४% (६,५६०) ३० मिनिटांत त्रास

• ६८% (१७,८७५) अर्ध्या तासानंतर त्रास (इतर केसेचा तपशील उपलब्ध नाही)

• ८७.८७% (२३,०२२) पहिल्या डोसनंतर त्रास

• १४.१९% (३,७१८) दुसऱ्या डोसनंतर त्रास