नवी दिल्ली - लहान मुलांना वेगवेगळ्या आजारांपासून दूर ठेवण्यासाठी विविध लसींचे डोस देण्यात येतात. मात्र, सध्या कोरोनाच्या संकटात मुलांना संसर्ग होऊ नये, यासाठी पालक त्यांना लसीकरणासाठी रुग्णालयात नेण्याचे टाळत असल्याचे निदर्शनास आले आहे. वेळेवर लसीकरण न केल्यास मुलांच्या आरोग्यावर दीर्घकालीन परिणाम होण्याची शक्यता बालरोगतज्ज्ञांनी व्यक्त केली आहे.

लसीकरणाचे वेळापत्रक पालकांनी पाळणे आवश्‍यक असून, विशेषतः एक वर्षापर्यंतच्या मुलांना नियमित वेळी लस देणे चुकवू नये, असे मत तज्ज्ञांनी व्यक्त केले आहे. दिल्लीतील वसंत कुंजमधील फोर्टीज रुग्णालयाचे संचालक व बालरोगतज्ज्ञ राहुल नागपाल म्हणाले की, मुलाला पोलिओची लस देण्यासाठी पालक तीन महिन्यांनंतर काल माझ्याकडे आले होते. काही विशिष्ट लशींच्या वेळा तुम्ही पुढे ढकलू शकत नाहीत. उदा. रोटाव्हायरस लशीचा कालावधी मर्यादित असतो. वेळेत लसीकरण केल्यास त्याचा प्रभाव जास्त असतो. 

ताज्या बातम्यांसाठी डाऊनलोड करा ई-सकाळचे ऍप

मेडिओर रुग्णालयाच्या बालरोग व नवजात शिशू विभागाच्या प्रमुख व वरिष्ठ सल्लागार विनीत कवात्रा म्हणाले की, कोरोनाच्या प्रतिबंधासाठी लॉकडाउन लागू केलेल्या तीन-चार महिन्यात खूप कमी पालक मुलांना लसीकरणासाठी घेऊन आले होते. कोरोनाचा संसर्ग होण्याची भीती हे त्या मागील प्रमुख कारण होते. शिवाय त्या काळात दवाखाने बंद होते. अजूनही मुलांना लस देण्यास पालक तयार नसून हे त्यात विलंब लावला जात आहे.

जगभरातील इतर बातम्या वाचण्यासाठी येथे क्लिक करा

डॉक्टर म्हणाले...
नवजात बालकाला वर्षापर्यंत लस वेळेत देणे महत्त्वाचे
न्यूमोनिया, पोलिओ, डीपीटी, गोवरची लस वेळेतच द्यावी
सामान्य स्थितीत लसीला सात दिवस उशीर चालू शकतो
बाळांना दुसऱ्या वर्षात बूस्टर लस देणेही आवश्‍यक, त्यास विलंब झाला तरी धोका नसतो
दुसऱ्या वर्षात एक व दोन महिन्यांचा विलंब होणे मान्य, मात्र त्यापेक्षा उशीर करू नये

देशभरातील इतर बातम्या वाचण्यासाठी येथे क्लिक करा

माझ्या दीड वर्षाच्या मुलीला ऑगस्टमध्ये लस द्यायची होती. पण, कोरोनामुळे तिला दवाखान्यात नेण्याची भीती वाटल्याने आम्ही तिचे लसीकरण पुढे ढकलले आहे.
- संध्या, दिल्लीतील पालक