Delhi High Court Latest News : दिल्ली हायकोर्टाने पती-पत्नी यांच्या भांडणासंबंधी एक महत्वाचे निरीक्षण नोंदवले आहे. यामध्ये पतीची काहीही चूक नसताना पत्नी सतत आपले सासर सोडून जात असेल तर हे मानसिकरित्या क्रूरता करणारे वर्तन असल्याचे म्हटले आहे.
जस्टिस सुरेश कुमार कैत यांच्या अध्यक्षतेखालील पीठाने सांगितले की वैवाहिक संबध हे परस्पर समर्थन, समर्पण आणि निष्ठा असलेल्या वातावरणात वृद्धिंगत होते. यासोबतच दूरावा आणि सोडून जाणे यामुळे वैवाहिक संबंध तुटतात. कोर्टाने ही टिप्पणी एकमेकांपासून दूर राहत आसलेल्या जोडप्याला पत्नीकडून क्रूरता आणि सोडून दिल्याच्या कारणावरून घटस्फोट मंजूर करताना केली.
या दाम्पत्याचे लग्न १९९२ मध्ये झाले होते आणि फॅमिली कोर्टाने पतीला घटस्फोट देण्यास नकार दिला होता. महिलेच्या पतीने घटस्फोटाची मागणी करताना आरोप केला होता की त्याची रत्नी खूप रागीट असून ती कमीत कमी सात वेळा त्याला सोडून गेली आहे. घटस्फोट देण्यास फॅमिली कोर्टाने नकार दिल्यावर त्याविरोधात अपील स्वीकारत पीठाने सांगितेल की सात वेळा महिला आपल्या पतीपासून वेगळी झाली आणि प्रत्येक वेळी हा कालावधी १० महिने इतका होता.
हायकोर्टाने सांगितलं की, दीर्घकाळ वेगवेगळे राहणे वैवाहिक संबंधांचे कधीही भरून न येणारे नुकसान होते, जे मानसिक कौर्य आहे आणि वैवाहिक संबंधांपासून वंचित ठेवणे अत्यंत क्रूरतेचे कृत्य आहे.
न्यायालयाने म्हटले की, हे एक स्पष्ट प्रकरण आहे जेथे प्रतिवादी (पत्नी) वेळोवेळी अपीलकर्त्याने कोणतीही चूक न करता सासरचे घर सोडते. प्रतिवादीने अशा प्रकारे वेळोवेळी असे निघून जाणे मानसिक क्रूरतेचे कृत्य आहे. खंडपीठाने म्हटले की, हे मानसिक त्रासाचे प्रकरण आहे. ज्यामुळे अपीलकर्ता घटस्फोट घेण्यास पात्र आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.