नोएडाच्या सेक्टर 93A मध्ये असलेला सुपरटेक ट्विन टॉवर हा कुतुबमिनारपेक्षा उंच आहे. हा टॉवर आज पाडण्यात येणार असून दुपारी अडीच वाजता तो पाडला जाणार आहे. मिळालेल्या माहितीनुसार, ही संपूर्ण प्रक्रिया अवघ्या 15 सेकंदात पूर्ण होणार असून त्याची संपूर्ण पूर्व तयार झाली आहे. या परिसरातील रस्ते बंद करण्यात आले आहेत. आजूबाजूच्या परिसरात राहणाऱ्या लोकांनाही सकाळी ७ वाजेपर्यंत सुरक्षित ठिकाणी जाण्यास सांगितले आहे. (delhi twin towers demolition)

सुपरटेक ट्विन टॉवर्समध्ये फ्लॅट खरेदी करण्यासाठी पैसे भरणाऱ्यांच्या संख्येत वाढ झाली होती. मात्र अद्याप अनेकांना याचा परतावा मिळालेला नाही. प्रत्यक्षात ट्विन टॉवर्समध्ये ७११ जणांनी फ्लॅट खरेदी केले होते. त्यापैकी ६५२ लोकांचे पैसे परत मिळाले असून ५९ ग्राहकांना परतावा मिळालेला नाही. त्यामुळे हे लोक मागणी करत आहेत.

ट्विन टॉवर्समध्ये फ्लॅट खरेदी करणाऱ्या लोकांचे म्हणणे आहे की, त्यांचे पैसे परत केले पाहिजेत. या प्रकरणावर नुकतीच सर्वोच्च न्यायालयातही सुनावणी झाली आहे. न्यायमूर्ती डी. वाय चंद्रचूड यांच्या अध्यक्षतेखालील तीन न्यायाधीशांच्या खंडपीठाने सुनावणी करताना सांगितले की, सुपरटेक गृहखरेदी दारांना काही रक्कम देण्यासाठी आयपीआर सर्वोच्च न्यायालयाच्या रजिस्ट्रीमध्ये ३० सप्टेंबरपर्यंत जमा करणे आवश्यक आहे. यावर याचिकाकर्त्यांच्या वकिलांनी म्हटले होते की, खरेदीदारांचे एकूण 5.15 कोटी रुपये प्रलंबित आहेत. याबाबत CRB आणि Supertech च्या अधिकाऱ्यांशी चर्चा करण्यात आली आहे.

ट्विन टॉवर्समध्ये 711 ग्राहकांनी फ्लॅट बुक केले होते. सुपरटेकने 652 ग्राहकांची सेटलमेंट केली आहे. बुकिंगची रक्कम आणि व्याज जोडून परतावा हा पर्याय वापरण्याचा प्रयत्न केला गेला. मालमत्तेचे मूल्य कमी किंवा जास्त असल्यास, पैसे परत केले जातात किंवा अतिरिक्त रक्कम घेतली जाते. त्या बदल्यात ज्यांना स्वस्तात मालमत्ता देण्यात आल्या त्यापैकी सर्वांना उर्वरित रक्कम अद्याप मिळालेली नाही. ट्विन टॉवर्सच्या ५९ ग्राहकांना अद्याप परतावा मिळालेला नाही.

३१ मार्च २०२२ ही परताव्याची अंतिम तारीख होती. मात्र सुपरटेक 25 मार्च रोजी दिवाळखोरीत गेल्याने परतावा प्रक्रिया पूर्ण झालेली नाही. यातील काही भाग दिवाळखोरीत गेला असून मात्र प्रक्रियेबाहेर असलेल्यांनाही परतावा मिळालेला नाही. काही लोकांना भूखंड/फ्लॅट देऊन थकबाकीची रक्कम नंतर देण्याचे आश्वासनही पूर्ण आहे. दिवाळखोरी झाल्यानंतर मे महिण्यात न्यायालयाला सांगण्यात आले की सुपरटेकने पैसे परत केलेले नाहीत.