दिल्ली महिला आयोगाच्या अध्यक्षा स्वाती मालीवाल या महिलांच्या प्रश्नांवर आहेत. त्यांनी दर्यागंज भागातील एका शौचालयाची अचानक तपासणी केली असता तिथं ५० लिटर अॅसिड आढळलं. त्यांनी स्वत: त्यांच्या ट्विटर हँडलवरून ही माहिती दिली आहे. (Latest Marathi News)

त्यांनी सांगितलं की, दिल्लीत उघड्यावर पडलेलं इतकं अॅसिड अनेकांचा जीव घेऊ शकते. मालीवाल यांनी गुरुवारी त्यांच्या टीमसोबत स्वच्छतागृहाची पाहणी केली असता तिथं अस्वच्छतेचा ढीग आढळून आला. तिथंच त्यांना उघड्यावर ठेवलेले 50 लिटर अॅसिड सापडले.

नंतर त्यांनी पोलिसांना बोलावलं, अॅसिड जप्त केलं आणि या प्रकरणावर महापालिकेकडून उत्तर मिळेल असं सांगितलं. यासोबतच दोषींवर कडक कारवाई करण्यात येईल, असंही त्या म्हणाल्या. देशभरात अॅसिड हल्ल्याच्या घटना घडताना दिसत आहेत. त्यामुळेच ते उघड्यावर मिळणे ही चिंतेची बाब आहे.

याआधी दिल्ली महिला आयोगाच्या अध्यक्षांनी संजय कॉलनी झोपडपट्टीतील टॉयलेटची अचानक पाहणी केली होती, तिथे अस्वच्छता पाहून त्यांनी अधिकाऱ्यांना फटकारले आणि ते तातडीने स्वच्छ करण्याचे निर्देश दिले. दुसरीकडे, ५ एप्रिल रोजी दिल्लीतील खिचडीपूरमध्ये शौचालयाची तपासणी करण्यात आली.