नवी दिल्ली : तीन महिन्यांपूर्वी निवड होऊनही उदयनराजेंनी राजीनामा दिला. आता पुन्हा नव्याने ते निवडून येतील आणि विक्रमी मते त्यांना मिळतील, असे मत मुख्यमंत्री देवेंद्र फडणवीस यांनी व्यक्त केले.
राष्ट्रवादी काँग्रेसचे साताऱ्याचे खासदार उदयनराजे भोसले यांनी अखेर आज (शनिवार) अखेर भाजपमध्ये अधिकृत प्रवेश केला. केंद्रीय गृहमंत्री अमित शहा यांच्या निवासस्थानी त्यांनी भाजप प्रवेश केला. यावेळी मुख्यमंत्री फडणवीस, प्रदेशाध्यक्ष चंद्रकांत पाटील, रामदास आठवले आदी नेत उपस्थित होते.
फडणवीस म्हणाले, की आमच्यासाठी आज खूप आनंदाची गोष्ट आहे. छत्रपती शिवाजी महाराजांचे वंशज उदयनराजे यांनी भाजपमध्ये प्रवेश केला आहे. शिवाजी महाराजांमुळेच आपण स्वातंत्र्याचा आनंद घेत आहे. प्रत्यक्ष महाराज भाजपमध्ये आल्याने आता अधिक लोकाभिमुख कार्य करण्यासाठी सरकारला मदत होईल. मोदींनी कलम 370 हटविल्यानंतर देशभर आनंद व्यक्त करत आहेत. युवाशक्तीला संघटीत करून त्यांना देशाच्या प्रगतीत सामावून घेऊ.
आधी फायली कचऱ्याच्या डब्यात जायच्या : उदयनराजे
मुख्यमंत्र्यांशी माझी जुनी मैत्री आहे. आम्ही पहिल्यापासून एक आहोत. त्यांच्या माध्यमातून विकासाची अनेक कामे झाली आहेत. केंद्रात आणि राज्यात एकच सरकार असल्याचा फायदा होतो. कोणाबद्दल मी कधीच वाईट बोलणार नाही. आम्ही दिलेल्या फायली आधी कचऱ्याच्या डब्यात जात होत्या, अशी खंत उदयनराजे यांनी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.