तिरुपती : मनातील इच्छा किंवा नवस पूर्ण झाल्यानंतर आपण अनेक मंदिरांमध्ये भक्तांकडून मोठ्याप्रमाणात दान केल्याचे आपण पाहिले अथवा वाचले असेल. यापूर्वीदेखील अनेक भक्तांकडून तिरूपती मंदिरात आणि महाराष्ट्रातील शिर्डीच्या साई मंदिरात सोनं, चांदी आदींचे दान करण्यात आले आहे. अशाच प्रकारे शुक्रवारी एका भक्ताने सोने, हिरे आणि माणिकांनी जडवलेल्या 'वरदा-कटी हस्तां' (Varada-Kati Hastas) ची जोडी तिरुमला येथील श्री व्यंकटेश्वर स्वामी मंदिरात दान केली आहे. या दागिन्यांचे वजन सुमारे 5.3 किलो असून त्यांची किंमत सुमारे 3 कोटी रुपये इतकी आहे. (A pair of 'Varada-Kati Hastas', made of gold donated Tirumala by a devotee.)

याबाबत मिळालेल्या माहितानुसार, दान करण्यात आलेला भक्त गेल्या 50 वर्षांपासून तिरुमला मंदिरात भगवान व्यंकटेश्वराची पूजा करत आहेत. गेल्या वर्षी त्यांना कोरोनाची लागण झाली होती. त्यानंतर उत्तम आरोग्यासाठी त्यांनी तिरुपती बालाजी मंदिरात नवस केला, जो पूर्ण झाल्यामुळे त्यांनी हे दान केल्याचे केले आहे.

दरवर्षी येतात लाखो भाविक

तिरुपती मंदिरात अनेकदा सोन्याचा प्रसाद चढवला जातो. त्यामुळेच हे मंदिर देणगीच्या बाबतीत भारतात पहिल्या क्रमांकावर आहे. दरवर्षी लाखो लोक तिरुमला डोंगरावर वसलेल्या या मंदिरात भगवान व्यंकटेश्वराचा आशीर्वाद घेण्यासाठी येत असतात.