देशभरात रामनवमीचा उत्साह देशभरात दिसून येत आहे. प्रदीर्घ प्रतिक्षेनंतर प्रभू श्रीरामाचे जन्मस्थान असलेल्या अयोध्येतील भव्य राम मंदिरात आज रामनवमी साजरी होत आहे. त्यामुळे रामलल्लाचे दर्शन घेण्यासाठी देशभरातून मोठ्या संख्येने भाविक अयोध्येत दाखल झाले आहेत. मंगळवारी मध्यरात्रीपासूनच राम मंदिर परिसरात भाविकांनी लांबच लांब रांगा लावल्या आहेत. तसेच शरयू नदीवर रामभक्तांची मोठी गर्दी दिसून येत आहे.

राम मंदिराच्या उभारणीनंतर अयोध्येत प्रथमच रामनवमी साजरी होत आहे. देशाच्या कानाकोपऱ्यातून लाखो भाविक येत आहेत. अशा परिस्थितीत दर्शनाच्या सोयीसाठी विशेष व्यवस्था करण्यात आली आहे. तसेच संपूर्ण मंदिर फुलांनी सजवण्यात आले आहे. याशिवाय दर्शनाची वेळही वाढवण्यात आली आहे. आज सर्वांच्या नजरा सूर्य टिलकांकडे लागल्या आहेत. दुपारी 12:16 वाजता सूर्य टिळक होईल.

रामनगरीमध्ये आज भगवान श्रीरामाची जयंती उत्साहात साजरी करण्यात येत आहे. रामजन्मभूमी परिसर फुलांनी सजवण्यात आला आहे. सुंदर रोषणाई हे लोकांच्या आकर्षणाचे केंद्र बनले आहे. भाविकांच्या सोयीसाठीही विशेष काळजी घेण्यात आली आहे. शूज आणि चप्पल ठेवण्याबरोबरच पिण्याचे शुद्ध पाणी आणि भाविकांच्या मूलभूत सुविधांचीही काळजी घेण्यात आली आहे. आज अयोध्येला दररोज पेक्षा जास्त भाविक दर्शनासाठी पोहोचतील अशी अपेक्षा आहे. दुपारी 12 वाजता रामलल्लाची जयंती उत्साहात साजरी केली जाईल. श्रीरामाच्या जयंतीनिमित्त सूर्यदेव प्रभू रामाचा टिलक करणार आहेत.

शरयू नदीत स्नान करुन रामभक्त रामल्लाचे दर्शन घेत आहेत. रामनवमीनिमित्त अयोध्येत आज हेलिकॉप्टरमधून पुष्पवृष्टी करण्यात येणार आहे. राम की पैडी, रामकोट, सरयू बीच, धरमपथ, रामपथसह रामजन्मभूमी संकुलात पुष्पवृष्टी करून रामनवमी साजरी केली जाणार आहे.

प्रभू श्रीरामांचा ज्या ठिकाणी जन्म झाला, त्या ठिकाणाच्या मुख्य प्रवेशद्वारावर आकर्षक अशी फुलांची सजावट करण्यात आली आहे. अयोध्येत दाखल होणाऱ्या सर्व रामभक्तांसाठी योग्य त्या सोईसुविधा उपलब्ध करण्यात आल्या आहेत. आज प्रभू श्रीरामाच्या कपाळावर जेव्हा सूर्याची किरणे पडतील, तेव्हा सुवर्ण वातावरणात प्रभूरामाचा राजतिलक होणार आहे.