Madras High Court Order:मद्रास उच्च न्यायालयाने जिल्हा सत्र न्यायालयांना एक परिपत्रक जारी केलंय. ज्यात सांगण्यात आलंय की तमिळनाडू आणि पुदुच्चेरीच्या न्यायालयात परिसरात महात्मा गांधी आणि संत तिरुवल्लुवर यांच्याशिवाय कोणाचाही फोटो लावू नये.

मद्रास उच्च न्यायालय म्हणालं की तमिळनाडू आणि पुदुच्चेरीच्या जिल्हा न्यायालयांमध्ये फक्त महात्मा गांधी तमिळ संत कवी तिरुवलल्लुवर यांचा फोटो लावण्यात यावा. कोर्टाने सक्तीने सांगितलंय की कोर्टात इतर कोणाचाही फोटो लावण्यात येणार नाही.

उच्च न्यायालयाच्या रजिस्ट्रार जनरल यांच्यावतीने परिपत्रक जारी करण्यात आलं ज्यात सांगण्यात आलं आहे की जर कोर्टात दुसऱ्या कोणाचाही फोटो लावण्यात आलेला असेल तर तो हटवण्यात यावा.

कांचीपुरम येथील प्रिंसिपल डिस्ट्रिक्ट जज म्हणाले की ते अलंदूर बार असोसिएशनला सांगतील की नव्याने बांधलेल्या कोर्ट परिसरातील गेटवर लावण्यात आलेला बाबासाहेब आंबेडकर यांचा फोटो हटवण्यात यावा.

हे प्रकरण तेव्हा प्रकाशझोतात आले तेव्हा वकिलांच्या संघटनेने बाबासाहेब आंबडेकरांच्या मुर्तीचं आणि फोटोचं उद्घाटन करण्याची परवानगी मागितली.

११ जुलैला झालेल्या बैठकीत उच्च न्यायालयाच्या खंडपीठाने अशा प्रकारच्या याचिका फेटाळून लावल्या आणि फुल कोर्ट मीटिंगमध्ये एक नविन प्रस्ताव पारित केला. या प्रस्तावात सांगण्यात आलंय की कोर्ट परिसरात अशा अनेक घटना घडल्या आहेत, जेव्हा राष्ट्रीय महापुरुषांच्या मुर्त्या किंवा फोटोंची विटंबना केली गेली आहे. (Latest Marathi News)

अशा गोष्टीनंतर तणावाची परिस्थिती निर्माण होते. अशी परिस्थिती उद्भवू नये यासाठी कोर्टातं महात्मा गांधी आणि संत कवी तिरुवल्लुवर यांच्याव्यतिरिक्त कोणचाही फोटो किंवा मुर्ती लावण्याची परवनगी मिळणार नाही.

एप्रिल २०१३मध्येही अलंदुर कोर्टातील बाबासाहेब आंबेडकर यांचा फोटो हटवण्यात यावा असे निर्देश देण्यात आले होते.

रजिस्ट्रार जनरल यांनी आपल्या परिपत्रकात म्हटलंय की तमिळनाडू आणि पुदुच्चेरीमधील कोर्टांमधील बार असोसिएशनने जर या आदेशाची अवहेलना केली तर त्यांच्याविरोधात योग्य कारवाई केली जाईल.