धानोरा : धानोरा तालुक्यातील मुरूमगाव जवळ बेलगाव येथे मुख्य महामार्गावर अचानक साफ्ट तुटल्याने झालेल्या ट्रकच्या अपघातात चालक व क्लिनर जखमी झाले. ही घटना सोमवार (ता. १३) दुपारी ३ वाजता घडली.

प्राप्त माहितीनुसार ट्रक क्रमांक यूपी ७१ एटी ५८१९ गडचिरोलीहून छत्तीसगड राज्याकडे जात असताना मुरूमगाव ग्रामपंचायतीअतंर्गत बेलगाव येथे शाफ्ट तुटल्याने चालकाचे नियंत्रण सुटले व अपघात झाला. यात चालक गंभीर जखमी झाला असून त्याच्या पायांना गंभीर दुखापत झाली आहे, तर क्लिनरला किरकोळ इजा असून त्यांना लगेच धानोरा ग्रामीण रुग्णालयात दाखल करण्यात आले आहे.

चालकाचे नाव सोहेल मोहम्मद अन्सारी, तर क्लिनरचे नाव गुपरान मोहम्मद अन्सारी दोघेही रा. आंबेडकरनगर, उत्तरप्रदेशचे आहेत. हे वाहन मुंबई येथील किस्मत खान यांच्या मालकीचे असल्याचे कळते