नवी दिल्ली : इंडिगोच्या फ्लाइटमध्ये मद्यधुंद प्रवाशाने पुन्हा घाणेरडे कृत्य केले आहे. गुवाहाटीहून दिल्लीला जाणाऱ्या 6E 762 या फ्लाइटमध्ये एका प्रवाशाने भरपूर दारू प्यायली होती. विमान प्रवासादरम्यान हा प्रवासी टॉयलेटला जाण्यासाठी उठला. मात्र नशेच्या अवस्थेत त्याने विमानाच्या फरशीवरच उलट्या केल्या.

एवढेच नाही तर यानंतर त्याने टॉयलेटच्या बाहेर लघवी केली. तो इतका दारूच्या नशेत होता की, त्याला टॉयलेटच्या बाहेर लघवी केल्याचेही कळले नाही.

26 मार्च रोजी इंडिगो फ्लाइटमध्ये ही घटना घडली होती. मद्यधुंद प्रवाशाने उलट्या केल्यानंतर अशा वातावरणात इतर प्रवाशांना बसणे अत्यंत कठीण झाले होते. त्यामुळे ऑन-बोर्ड एअरहोस्टेसला विमानाच्या फरशीवर पडलेली उलटी पुसावी लागली.

याआधी एअर इंडियाच्या विमानात एका मद्यधुंद प्रवाशाने वृद्ध सहप्रवाशावर लघवी केल्याची घटना घडली होती.

ही घटना गुवाहाटी उच्च न्यायालयाच्या वरिष्ठ वकिलाने आपल्या मोबाईल कॅमेऱ्यात कैद केली आहे. यानंतर त्यांनी या घटनेचा फोटो सोशल मीडियावर शेअर केला आहे. हा फोटो सोशल मीडियावर व्हायरल झाला आहे. हा प्रकार हातळणाऱ्या एअर होस्टेसचं सोशल मीडियावर कौतुक होत आहे.