Earthquake In Jaipur: राजस्थानच्या अनेक भागात भूकंपाचे धक्के जाणवले. जयपूरमध्ये पहाटे 4.10 ते 4.23 पर्यंत दोन मोठे भूकंपाचे धक्के जाणवले. राजघनीसह राज्यातील इतर शहरांमध्येही साडेचार वाजेपर्यंत भूकंपाचे धक्के जाणवले.

जयपूरमधील भूकंपामुळे लोक इमारतींमधून बाहेर पडले आणि रस्त्यावर आले होते. प्राथमिक माहितीनुसार, भूकंपाचा केंद्रबिंदू अरावलीच्या टेकड्या असल्याचे सांगण्यात आले आहे. या भूकंपाची तीव्रता 4.4 इतकी सांगण्यात येत आहे.

राजस्थानच्या जयपूर आणि आसपासच्या जिल्ह्यांमध्ये शुक्रवारी सकाळी भूकंपाचे जोरदार धक्के जाणवले. भूकंपाचे धक्के जाणवल्यानंतर लोक घराबाहेर पडले. भूकंपाचा हादरा इतका जोरदार होता की सर्वांची झोप उडाली आणि लोक आपापल्या इमारती आणि घरातून बाहेर आले.

हवामान खात्याने दिलेल्या माहितीनुसार, भूकंपाची तीव्रता रिश्टर स्केलवर 4.4 एवढी होती. भूकंपाचा परिणाम जवळपासच्या अनेक जिल्ह्यांमध्येही दिसून आला. प्राथमिक माहितीनुसार या भूकंपाच्या धक्क्यामुळे कोणतीही जीवित किंवा वित्तहानी झाल्याचे वृत्त नाही. (latest marathi news)

तासाभरात तीन वेळा भूकंपाचे धक्के जाणवले. भूकंपाचा पहिला हादरा 4:10 मिनिटांनी, दुसरा 4:23 वाजता आणि तिसरा 4:25 मिनिटांनी बसला. याचवेळी, मणिपूरच्या उखरुलमध्ये पहाटे 05:01 वाजता 3.5 रिश्टर स्केलचा भूकंप झाला.