पोर्ट ब्लेअर : अंदमान आणि निकोबार बेटांवर सलग दुसऱ्या दिवशी भूकंपाचे धक्के जाणवले. नॅशनल सेंटर फॉर सिस्मॉलॉजीने दिलेल्या माहितीनुसार बुधवारी पहाटे 5.56 च्या सुमारास अंदमान समुद्रात भूकंप झाला. भूकंपाची तीव्रता रिश्टर स्केलवर 4.6 इतकी होती. (Earthquake in andaman)

याआधी मंगळवारी सकाळीही अंदमानात भूकंपाचे धक्के जाणवले होते. मात्र, भूकंपाची तीव्रता जास्त नव्हती. पहाटे 5 वाजून 57 मिनिटांनी बेटापासून हाकेच्या अंतरावर भूकंपाचे धक्के जाणवले होते. भूकंपाची तीव्रता रिश्टर स्केलवर 5 इतकी मोजण्यात आली होती. या नैसर्गिक आपत्तीमुळे नागरिकांमध्ये घबराटीचे वातावरण निर्माण झाले होते. सुदैवाना भूकंपाच्या धक्क्यांमुळे कुठेही जीवित किंवा वित्तहानी झाली नाही.