नवी दिल्ली : जहांगीरपुरीत घडलेल्या हिंसाचारप्रकरणी अंमलबजावणी संचालनालयाने (ईडी) बेकायदा सावकारीचा गुन्हा दाखल केला असून या प्रकरणाचा तपास सुरू केला. दिल्ली पोलिसांनी मुख्य आरोपी अन्सार याच्या विरोधात कारवाई करण्यासाठी ‘ईडी’ला पत्र पाठल्यानंतर हा तपास सुरू करण्यात आल्याची माहिती सूत्राने दिली. जहांगीरपुरी परिसरात १६ एप्रिल रोजी हनुमान जन्मोत्सवाच्या दिवशी दंगल उसळली होती.

ईडी अन्सारसह अन्य आरोपींविरोधातही आर्थिक गैरव्यवहार प्रतिबंधक कायद्यान्वये (पीएमएलए) तपास करणार आहे. दिल्ली पोलिसांकडून अन्सार तसेच हिंसाचारात त्यांच्या भूमिकेसंबंधी कागदपत्रे ‘ईडी’कडे पाठवण्यात आली आहे. अन्सार तसेच इतरांना कुठल्या संघटनेकडून अथवा व्यक्तिकडून पैसा पुरवण्यात आले का? याचा वापर हिंसारासाठी करण्यात आला का? याअनुषंगाने ईडी तपास करणार आहे.