नवी दिल्ली (पीटीआय) : राजधानी नवी दिल्लीकडे येणाऱ्या सर्व रेल्वे गाड्या येत्या डिसेंबरपासून विजेवर धावणाऱ्या असतील, असे रेल्वेमंत्री पीयूष गोयल यांनी आज सांगितले. या उपायामुळे रेल्वेची इंधनावरील खर्चात बचत होणार असून, सुरक्षा आणि गाड्यांचा वेगही वाढेल, असे ते म्हणाले. यासाठी सरकारला 12 हजार 134 कोटी रुपये खर्च येईल. 

रेल्वेच्या सर्व मार्गांचे येत्या चार वर्षांत विद्युतीकरण करण्याचा प्रस्ताव केंद्रीय मंत्रिमंडळाने सप्टेंबर 2018 मध्ये मंजूर केला होता. आयात जैविक इंधनावर होणारा खर्च कमी करणे हा त्यामागचा मुख्य उद्देश आहे. "युनेस्को'च्या जागतिक वारशात समावेश असलेल्या कालका-सिमला मार्गाचे विद्युतिकरण करण्याचाही प्रस्ताव विचाराधीन आहे. मात्र, त्यासाठी "युनेस्को'ची परवानगी गरजेची असल्याचे गोयल यांनी सांगितले. 

650 
दिल्लीतून येणाऱ्या-जाणाऱ्या गाड्या 

12 लाख 
दैनंदिन प्रवासी संख्या