Embassy of Russia in India : भारतातील रशियन दूतावासाने देशाच्या प्रजासत्ताक दिनानिमित्त विशेष कार्यक्रमांचे आयोजन केले होते. या माध्यमातून रशियन नागरिकांनी भारतीयांना प्रजासत्ताक दिनाच्या शुभेच्छा दिल्या. याचा व्हिडिओ रशियाच्या दूतावासाने शेअर केला आहे. यामध्ये रशियन नागरिक हे विविध प्रकारचे सांस्कृतिक कार्यक्रम करताना दिसत आहेत. विशेष म्हणजे, या व्हिडिओमध्ये त्यांनी 'गदर' चित्रपटातील "मैं निकला.." हे गाणं वापरलं आहे.

या आगळ्या-वेगळ्या सोहळ्याला मोठ्या प्रमाणात रशियन नागरिक उपस्थित होते. लहान मुले, तरुण-तरुणी आणि वयोवृद्धांनीही विविध प्रकारच्या सांस्कृतिक कार्यक्रमांमध्ये सहभाग नोंदवला. यावेळी तरुणींनी रशियातील पारंपारिक नृत्य सादर केलं, तसंच स्टेजवर समूहनृत्य, वादन अशा विविध कार्यक्रमांचंही आयोजन करण्यात आलं होतं.