नवी दिल्ली - दिल्ली देशाची राजधानी असली तरी गुन्हेगारीमध्ये देखील देशात सर्वात पुढे आहे. दिल्लीतील निर्भया प्रकरणाने देश ढवळून निघाला होता. दिल्लीत महिला सुरक्षित नसल्याचे आरोप नेहमीच करण्यात येते. त्यातच आता लहान मुलंही दिल्लीत सुरक्षित नसल्याचं स्पष्ट झालं आहे.
दिल्लीत एका १२ वर्षाच्या चिमुरड्यावर ४ जणांनी लैंगिक अत्याचार करून बेदम मारहाण केल्याचं समोर आलं आहे. चिमुरडा सध्या मृत्यूशी झुंज देत आहे. या मुलावर चार जणांनी अत्याचार करून त्याला रस्त्याच्या कडेला अर्धमेल्या अवस्थेत सोडून पळ काढला.
दिल्ली महिला आयोगाच्या (DCW) प्रमुख स्वाती मालीवाल यांनी या घटनेबद्दल ट्विट केले आहे. त्यांनी आपल्या ट्विटमध्ये म्हटलं की, दिल्लीमध्ये मुलेही सुरक्षित नाहीत. महिला आयोगाने या घटनेची दखल घेतली असून दिल्ली पोलिसांकडे एफआयआर दाखल केल्याचे स्वाती मालीवाल यांनी सांगितले.
याप्रकरणी पोलिसांनी आतापर्यंत एकाला अटक केली आहे, तर अन्य तीन जण अद्याप फरार आहेत. याप्रकरणी महिला आयोगाने दिल्ली पोलिसांना नोटीस बजावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.