विवाहबाह्य संबंध हे समाजाच्या दृष्टीनं अनैतिक कृत्य मानलं जाऊ शकतं, मात्र नियमांनुसार त्याला गैरवर्तन म्हणता येणार नाही अशी टिपण्णी गुजरात उच्च न्यायालयाने एका प्रकारणावर सुनावणी करताना केली. विवाहबाह्य संबंध असल्याच्या कारणावरून नोकरीतून काढून टाकण्यात आलेल्या पोलीस कर्मचाऱ्याने (Police) दाखल केलेल्या याचिकेवर न्यायालयाने निका दिला केली. विवाहबाह्य संबंधांमुळे (Extra-Mrital Affair) नोकरीवरून काढून टाकण्यात आलेल्या कर्मचाऱ्याला पुन्हा सेवेत रूजू करून घेण्याचे आदेश न्यायालयाने यावेळी केले.

गुजरात उच्च न्यायालयाने (Gujrat High Court) या प्रकरणावर सुनावणी केली आणि याचिकाकर्त्याच्या बाजून निकाल दिला. नोकरीतून काढून टाकण्यात आलेल्या कर्मचाऱ्याची बडतर्फीची कारवाई रद्द करून संबंधीत पोलीस कर्मचाऱ्याला पुन्हा सेवेत रुजू करून घ्यावं असे आदेश जिल्हा पोलिसा आयुक्तालयाला दिले. गुजरातच्या शाहीबागमध्ये राहणाऱ्या पोलीस कर्मचाऱ्याचे आपल्याच घराच्या परिसरात राहणाऱ्या एका विधवा महिलेशी विवाहबाह्य संबंध होते. ज्यावेळी विधवा महिलेच्या कुटुंबाला संशय आला, त्यावेळी त्यांनी घराच्या परिसरात सीसीटीव्ही कॅमेरे बसवले.

काही दिवसांनी कॅमेऱ्यातून हे समोर आलं की, विधवा महिला आणि पोलीस हवालदाराचे संबंध आहेत. हेच पुरावे घेऊन महिलेच्या कुटुंबाने २०१२ मध्ये पोलिसात तक्रार दाखल केली होती. पोलिसांनी या प्रकरणाची चौकशी केली असता, दोघांनीही आपल्यात संबंध असल्याचं मान्य केलं. महिलेनेही हे संबंध आपल्या सहमतीने असल्याचे सांगितले. त्यानंतर पोलीस खात्यानं ही गोष्ट पोलिसांच्या प्रितमेला डाग लावणारी असल्याचं म्हटलं. महिलांचं आणि मुलांचं संरक्षण करण्याची पोलिसांची जबाबदारी आहे. अशा गोष्टींमुळे पोलिसांवरचा विश्वास कमी होईल असं सांगत सदरील पोलीस कर्मचाऱ्याला नोकरीतून काढून टाकलं होतं.