बिहारमधील प्रसिद्ध यूट्यूबर आणि शिक्षक खान ​​उपाख्य फैजल खान यांना पोलिसांनी राज्याबाहेर जाण्यास बंदी घातली आहे. खान सरांवर RRB-NTPC च्या विद्यार्थ्यांना भडकावल्याचा आरोप आहे. याप्रकरणी पोलिसांनी त्यांची चौकशी केली. बुधवारी रात्री उशिरा पाटणाचे पत्रकार नगर पोलिस ठाण्यात खान सर यांना बोलावण्यात आले. आंदोलन भडकवल्याबद्दल खान सरांविरुद्ध एफआयआर दाखल करण्यात आला होता.

एफआयआर दाखल झाल्यानंतर ते पहिल्यांदाच पोलिस ठाण्यात पोहोचला होते. जिथे पोलिसांनी त्याची चौकशी केली. मग नोटीसवर स्वाक्षरी करायला लावली. प्रशासनाने त्यांना सक्त सूचना देत जोपर्यंत तपासाची प्रक्रिया पूर्ण होत नाही, तोपर्यंत बिहारच्या बाहेर जाऊ शकत नाही, असे सांगितले. त्यांना पुराव्याशी छेडछाड आणि साक्षीदारांना धमकावण्याविरुद्धही दम देण्यात आले आहेत. खान सरांना (Faizal Khan) पोलिसांना सहकार्य करण्यास सांगितले आहे. खान सरांनी याप्रकरणी पोलिसांना सर्वतोपरी मदत करण्याचे आश्वासन दिले आहे.

२४ जानेवारी रोजी राजधानी पटणा (Patna) येथील राजेंद्रनगर टर्मिनलवर RRB-NTPC च्या विद्यार्थ्यांनी गोंधळ घातला. यामध्ये १० तास गाड्या थांबवण्यात आल्या होत्या. याप्रकरणी चार विद्यार्थ्यांनाही अटक करण्यात आली आहे. आंदोलन हळूहळू अनियंत्रित होत गेले आणि बघता बघता बिहारमध्ये गदारोळ झाला.

विद्यार्थी अस्वस्थ होऊ लागले. नंतर खान सर (Faizal Khan) लाइव्ह आले आणि त्यांनी विद्यार्थ्यांना आंदोलन करण्यापासून रोखले. त्यानंतर हे प्रकरण शांत झाले. परंतु, याच प्रकरणात खान सरांसह आणखी ६ कोचिंग ऑपरेटर्सविरुद्ध एफआयआर नोंदवण्यात आला. या प्रकरणात कोचिंग ऑपरेटरची भूमिका महत्त्वाची असल्याचे प्रशासनाने सांगितले होते.