रांची : झारखंड येथे हफ्ता वसुलीसाठी आलेल्या एका फायनान्स कंपनीच्या कर्मचाऱ्याने शेतकऱ्याच्या गरोदर मुलीला ट्रॅक्टरखाली चिरडल्याची माहिती समोर आली आहे. यामध्ये शेतकऱ्याच्या गरोदर मुलीचा जागीच मृत्यू झाला असून या घटनेने खळबळ पसरली आहे. तसेच सदर कर्मचाऱ्याला पोलिसांकडून अटक करण्यात आली असून अधिक तपास सुरू असल्याचं पोलिसांनी सांगितलं आहे.

झारखंडमधील हजारीबाग जिल्ह्यातील बळीयानाथ येथील एका शेतकऱ्याने हफ्त्यावर ट्रॅक्टर घेतले होते. ट्रॅक्टरचे हफ्ते थकल्यामुळे फायनान्स कंपनीचा एक कर्मचारी वसुलीसाठी आला होता पण शेतकऱ्याकडे देण्यासाठी पैसे नसल्याने कर्मचारी ट्रॅक्टर घेऊन जात होता. त्यानंतर शेतकऱ्याच्या गरोदर मुलीने ट्रॅक्टर वाचवण्यासाठी प्रयत्न केला पण कर्मचाऱ्याने मुलीला क्रूरपणे चिरडल्यामुळे तिचा जागीच मृत्यू झाला आहे.

निखिलेश मेहता असं या शेतकऱ्याचं नाव असून ट्रॅक्टरचा एक लाखाचा हफ्ता थकल्यामुळे कर्मचारी वसुलीसाठी गेले असल्याची माहिती आहे.