नवी दिल्ली : पंतप्रधान नरेंद्र मोदी यांच्या दिल्लीतील सरकारी निवासस्थान असलेल्या ७ लोककल्याण मार्ग या निवासस्थानी आग लागली आहे. आग विझवण्यासाठी नऊ अग्निशमन दलाच्या गाड्या घटनास्थळी रवाना झाल्या आहेत. मात्र, आगीचे कारण अद्याप कळू शकलेले नाही.
आग लागल्याने पंतप्रधान निवास ७ लोककल्याण मार्ग येथील रस्ता पूर्णपणे बंद करण्यात आला आहे. पाण्याचे बंब आणि अग्निशमनच्या गाड्या घटनास्थळी दाखल झाल्या आहेत. येथील ९ क्रमांकाच्या बंगल्यामध्ये ही आग लागली असून शॉर्टसर्किटमुळे ही आग लागल्याचे प्राथमिक अंदाजात सांगण्यात येत आहे. आगीचे स्वरुप मोठे नाही असेही सांगण्यात आले आहे.
मिळालेल्या माहितीनुसार, संध्याकाळी साडेसात वाजण्याच्या सुमारास पंतप्रधानांच्या निवासस्थानी आग लागली. आग विझवण्यासाठी अग्निशमनचे ९ बंब दाखल झाले आहेत. तर ४ अॅम्ब्युलन्सही घटनास्थळी दाखल झाल्या आहेत. ही आग गंभीर स्वरुपाची नसली तरी सुरक्षेच्या दृष्टीने सर्व महत्वाची काळजी घेण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.