रायपूर : छत्तीसगडचे माजी मुख्यमंत्री आणि ज्येष्ठ काँग्रेस नेते अजित जोगी यांचे आज निधन झाले. गेल्या काही दिवसांपासून आजारी होते. त्यांच्यावर खासगी रुग्णालयात उपचार सुरू होते. आज दुपारी त्यांनी अखेरचा श्वास घेतला. अजित जोगी यांचे चिरंजीव अमित जोगी यांनी ट्विट करून त्यांच्या निधनाची माहिती दिली.
या संदर्भात त्यांच्यावर उपचार सुरू असलेल्या हॉस्पिटलच्या वतीने एक मेडिकल बुलेटिन प्रसिद्ध करण्यात आले आहे. त्यानुसार दुपारी दीडच्या सुमारास त्यांची प्रकृती आणखी खालावली होती. त्यांना आणखी एक हृदयविकाराचा झटका आला होता. दुपारी दोनपर्यंत त्यांना वाचवण्याचे अनेक प्रयत्न करण्यात आले. परंतु. डॉक्टरांच्या प्रयत्नांना अपयश आले. दुपारी साडेतीनच्या सुमारास त्यांनी अखेरचा श्वास घेतला. जोगी यांच्या कुटुंबियांनी दिलेल्या माहितीनुसार, 9 मे रोजी आपल्या निवासस्थानी व्हिलचेअर वरून बागेत फेरफटका मारत असताना अजित जोगी बेशुद्ध पडले होते. त्यानंतर त्यांना उपचारांसाठी खासगी रुग्णालयात दाखल करण्यात आले होते.
देशातील प्रशासकीय सेवेतून राजकारणात आलेल्या व्यक्तींमध्ये अजित जोगी यांचे नाव घेतले जाते. छत्तीसगडमध्ये मारवाही विधानसभा मतदारसंघाचे त्यांनी प्रतिनिधित्व केले होते. 2003मध्ये झालेल्या विधानसभा निवडणुकीनंतर त्यांच्याकडे राज्याच्या मुख्यमंत्रिपदाची धुरा देण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.