बंगळुरू - कर्नाटकच्या म्हैसूरमध्ये शुक्रवारी इंटेलिजन्स ब्युरोच्या एका माजी अधिकाऱ्याला कारने चिरडून ठार करण्यात आले. यासंदर्भात पोलिसांनी माहिती दिली. ही घटना अपघात नसून जाणूनबुजून केलेली हत्या असल्याचा खुलासा पोलिसांनी केला आहे. (Crime news in Marathi)

पोलिसांनी सांगितले की, धडक देणाऱ्या वाहनाला नंबर प्लेटही नव्हती. हा अपघात असल्याचे पोलिसांनी सुरुवातीला मान्य केले. मात्र सीसीटीव्ही फुटेज पाहिल्यानंतर हा अपघात जाणूनबुजून घडवून आणल्याचं स्पष्ट झालं. सीसीटीव्ही फुटेजमध्ये एक भरधाव कार एका 82 वर्षीय व्यक्तीकडे जात आहे. त्यानंतर कारचालक रस्त्याने चालणाऱ्या व्यक्तीला जोरदार धडक देते आणि घटनास्थळावरून पळून काढते.

म्हैसूरचे पोलीस आयुक्त चंद्रगुप्ता म्हणाले, "तपासानंतर आम्ही या निष्कर्षाप्रत आलो की, हा अपघात नसून जाणीवपूर्वक केलेला खून आहे. ते पुढे म्हणाले, "चारचाकी वाहनांच्या वापरासाठीची ही अरुंद गल्ली होती. असे दिसते आहे की आरोपी कुलकर्णीचा पाठलाग करत होता."

आरोपींचा शोध घेण्यासाठी तीन पथके तयार करण्यात आली असून हत्येमागील हेतूचा तपास सुरू असल्याचे पोलिसांनी सांगितले. कुलकर्णी हे तीन दशकांहून अधिक काळ इंटेलिजन्स ब्युरोमध्ये सेवा बजावून २३ वर्षांपूर्वी निवृत्त झाले आहे.