वास्को (गोवा) : अल्पवयीन मुलीवर सामूहिक बलात्कार करत तिला खून केल्याची खळबळजनक घटना दाबोळी-वाडे परिसरात घडल्याचे उघडकीस आली. याप्रकरणी वीस संशयितांना पोलिसांनी ताब्यात घेतले असून पोलिसांनी बलात्कार आणि खुनाचा गुन्हा दाखल केला आहे.

दाबोळी-वाडे येथे एका निर्माणाधीन इमारतीत संशयास्पदरित्या मृतावस्थेत आढळलेल्या साडेपाच वर्षीय मुलीवर बलात्कार करून तिला तोंड दाबून ठार मारल्याचे दक्षिण गोवा पोलिस अधीक्षक सुनीता सावंत यांनी सांगितले. याप्रकरणी सुरवातीला अनैसर्गिक मृत्यू म्हणून गुन्हा नोंद केला होता; परंतु शवचिकित्सेनंतर बलात्कार केल्यानंतर तिचे तोंड दाबून खून केल्याचे निष्पन्न झाले. .

अन् पित्याला मुलगी दिसलीच नाही

मुलीचा पिता याच इमारतीत सुरक्षा रक्षक म्हणून काम करतो. आज पहाटे तो खोलीवर आला असता मुलगी आढळली नाही. त्याने त्याबाबत पत्नीकडे विचारणा केली आणि शोधाशोध केली असता इमारतीत एका जागी ती मुलगी बेशुद्धावस्थेत दिसली. तिला चिखली उपजिल्हा इस्पितळात दाखल केले. पण डॉक्टरांनी तिचा मृत्यू झाल्याचे घोषित केले. मुलीवर अत्याचार झाल्याची माहिती पीडितेच्या मातेने दिली होती.