लॉरेन्स बिश्नोई गँगमधील शूटरची हत्या केल्याचा धक्कादायक प्रकार समोर आला आहे. बंबीहा गँग (Bambiha Gang) ने गँगस्टर लॉरेंस बिश्नोई (Lawrence Bishnoi) याचा खास शूटर राजन याची हत्या केली आहे. इतकेच नाही तर त्याला पेटवण्यापूर्वी हातपाय बांधण्यात आल्याची माहिती पोलिसांनी दिली आहे

राजन हा लॉरेन्स बिश्नोई गँगचा खास शूटर असल्याची सांगितले जात आहे. तसेच त्याच्याविरोधात अनेक गुन्हे देखील दाखल आहेत. बंबीहा गँगने या हत्येनंतर फेसबुकवर एक पोस्ट देखील केली आहे.

राजन कुरुक्षेत्र येथील रहिवासी आहे. तसेच तो बिश्नोई गँगमधील खास शूटर मानला जातो. बंबीहा गँगच्या शूटर्सनी हरियाणामधील यमुना नगर येथे त्याला गोळ्या घातल्या आणि त्यानंतर मृतदेह जाळून टाकल्याची सांगितले जात आहे. दहशतवादी गँगस्टर अर्श डल्ला याच्या इशाऱ्यावर ही हत्या झाल्याचे सांगितले जात आहे. दरम्यान गँगने सोशल मीडियावर एक पोस्ट करत या हत्येची जबाबदारी देखील स्वीकारली आहे. दरम्यान हरियाणा पोलिस या प्रकरणाचा तपास करत आहेत.

दरम्यान विदेशात बसून बंबीहा गँगचा म्होरक्या गँगस्टर लकी पटियाल आणि कॅनडा येथे असलेला गँगस्टर आणि खलिस्तानी अर्श डल्ला याने बिश्नोई गँग शूटर राजन याची हत्या घडवून आणल्याचे बोलले जात आहे.

बंबीहा गँगने लॉरेन्स बिश्नोई आणि गोल्डी यांना चॅलेंज करत एक पोस्ट लिहीली आहे. यामध्ये सिद्धू मूसेवाला याला काही दोष नसताना ठार केलं. कॅनडा मध्ये सुक्खा दुनुके याला विश्वासात घेऊन ठार केलं. आम्ही सुक्खाच्या मर्डरचा बदला घेतला आहे. लवकरच सर्वांचा हिशोब चुकता केला जाईल.