नवी दिल्ली : पंतप्रधान नरेंद्र मोदी यांचे सरकार बहुमतात नसलेल्या राज्यसभेतील सुमारे सात तासांच्या वादळी चर्चेनंतर नागरिकत्व दुरुस्ती-2019 या बहुचर्चित विधेयकाला वरिष्ठ सभागृहाने आज रात्री बहुमताने मंजुरी दिली. विधेयकाच्या बाजूने 125 तर विरोधात 105 मते पडली. त्यानंतर देशभरात अनेक ठिकाणी या निर्णयाचे जोरदार स्वागत केले. तसेच पूर्व दिल्लीचे खासदार गौतम गंभीर यांनीही पंतप्रधान नरेंद्र मोदी आणि केंद्रीय गृहमंत्री अमित शहा यांना शुभेच्छा दिल्या आहेत. 

ताज्या बातम्यांसाठी डाऊनलोड करा ई-सकाळच ऍप 

गंभीरने ट्विट करत मोदी आणि शहा यांना शुभेच्छा दिल्या आहेत. ''माझे आजोबा 1947मध्ये फाळणीच्यावेळी मुलतानवरुन दिल्लीला आले होते. त्यांना या देशात सन्मान आणि यश मिळाले. या विधेयकामुळे आता देशात दलितांना कोणतीच अडचण येणार नाही अशी माझी आशा आहे. पंतप्रधान नरेंद्र मोदी आणि केंद्रीय गृहमंत्री अमित शहा यांना माझ्या शुभेच्छा.''

#CAB : राज्यसभेतही 'नागरिकत्व' उत्तीर्ण!

शेजारच्या तीन देशांतील हिंदूंसह अल्पसंख्यांक शरणार्थींना भारताचे नागरिकत्व देण्याबाबतचे हे विधेयक राज्यसभेत मंजूर करून, भाजपने येथे बहुमत नसले तरी कोणतेही विधेयक मंजूर करण्यासाठी त्याचा अडसर येत नाही हे पुन्हा एकदा दाखवून दिले. नागरिकत्व कायद्यात ही दहावी दुरुस्ती आहे. यापूर्वी श्रीलंकेतील तमीळ निर्वासितांसह विविध देशांच्या शरणार्थींसाठी यात दुरुस्त्या केल्या गेल्या होत्या