नवी दिल्ली- प्रसिद्ध गायक पंकज उधास यांचे निधन झाले आहे. त्यांनी वयाच्या ७२ व्या वर्षी अखेरचा श्वास घेतला आहे. ते आपल्या आवाजासाठी लोकांच्या कायम स्मरणात राहतील. ते गेल्या काही दिवसांपासून आजारी होते. त्यांच्या निधनाची बातमी त्यांच्या मुलीने दिली आहे. ( Popular ghazal and playback singer Pankaj Udhas breathes his last at 72)

ये मेरे वतन के लोगो गीत त्यांनी गायलं होतं. त्यावेळी उपस्थितांचे डोळे पाणावले होते. एकाने उभे ठाकून त्यांना बक्षीस म्हणून त्यांना ५१ रुपये दिले होते. त्यांचा जन्म १७ मे १९५१ मध्ये गुजरातच्या जेतपूरमध्ये झाला होता. त्यांनी अनेक सुपरहीट गाणे दिलेत. त्यासाठी ते लाखो रुपये चार्च करायचे. मीडिया रिपोर्टनुसार ते २४ ते २५ कोटी रुपयांचे मालक होते.

उधास यांचा जन्म एका जमीनदार कुटुंबात झाला होता. ते तीन भावांमध्ये सर्वात छोटे होते. त्यांचे मोठे बंधू मनहार उधास चित्रपट सृष्टीतील प्रसिद्ध गायक होते. त्यांचे दुसरे बंधू देखील प्रसिद्ध गझल गायक होते. त्यांनी आपल्या मोठ्या भावाकडून गाण्याची प्रेरणा घेतली होती.

मनहार जेव्हा व्यासपीठावर गाणं सादर करत होते. तेव्हा पंकज उधास हे पाच वर्षांते होते. भावाकडून प्रेरणा घेत त्यांनी सुद्धा गायक होण्यामध्ये आवड दाखवली. त्यामुळे वडिलांनी त्यांना एका म्युझिक इन्स्टिट्यूटमध्ये टाकलं.

१९६२ मध्ये भारत-चीन युद्धात त्यांनी पहिल्यांदा व्यासपीठावर कला सादर केली होती. यावेळी त्यांनी 'ऐ मेरे वतन के लोगो' गायलं होतं. लोकांना त्यांच्या तोंडून घे गाणं खूप आवडलं. यावेळी एकाने त्यांना ५१ रुपये बक्षीस दिलं होतं. (Latest Marathi News)