स्कूटीच्या आत लपून बसलेल्या कोब्रा नागाचा व्हिडिओ सध्या सोशल मीडियावर व्हायरल होत आहे. व्हिडिओमध्ये एक व्यक्ती स्क्रू ड्रायव्हरच्या मदतीने कोब्रा साप बाहेर काढताना दिसत आहे. ( giant cobra snake news in Marathi)

अविनाश यादव (@avinashyadav_26) यांनी हा व्हिडिओ इंस्टाग्रामवर शेअर केला आहे. अविनाशच्या इंस्टाग्राम बायोनुसार, तो एक सर्पमित्र आहे. अविनाश नियमितपणे सापांच्या विविध प्रजातींबद्दल मनोरंजक पोस्ट शेअर करत असतो. त्याने यापूर्वीही अनेक साप पकडले आहेत.

हेही वाचा भारतीय मंदिरे- धार्मिकतेबरोबरच सामाजिक अंगे जपणारी केंद्रे

अविनाशने ज्या पद्धतीने अ‍ॅक्टिव्हा स्कूटीमधून साप बाहेर काढला, ते खरोखरच धाडसाचे होते. कारण त्याच्या हातात साप पकडण्यासाठी काठीही नव्हती. अविनाशने व्हिडिओमध्येच सांगितले की, हे रेस्क्यू ऑपरेशन पहाटे 5 वाजता आहे. अविनाशने ऑक्टोबरमध्ये हा व्हिडिओ इंस्टाग्रामवर शेअर केला होता. व्हिडीओच्या कॅप्शनमध्ये अविनाशने गंमतीने लिहिले की Activa च्या मालकाला Z+ सुरक्षा मिळाली आहे.

पांढऱ्या रंगाच्या अॅक्टिव्हा स्कूटीच्या पुढच्या भागात कोब्रा साप लपून बसल्याचे व्हिडिओत दिसत आहे. यानंतर समोरचा भाग उघडून सापाला बाहेर काढण्यात आले. अविनाशच्या हातात स्क्रू ड्रायव्हरही दिसतो, त्याचा वापर त्याने स्कूटी समोरून उघडण्यासाठी केला.