वाराणसी (उत्तर प्रदेश): एका युवतीने नोकरासोबत पळून जाऊन मंदिरामध्ये विवाह केला. विवाहानंतर घरी गेल्यानंतर तिला धक्काच बसला. काही वेळातच तिने घडलेला प्रकार आई-वडिलांना सांगितला आणि पोलिस चौकी गाठली.
पोलिसांनी दिलेल्या माहितीनुसार, चोरापूर येथील एक युवक फतेहपूर येथील एका व्यक्तीकडे काम करत होता. मालकाला एक मुलगी होती. मुलगी आणि नोकरामध्ये ओळख निर्माण झाली. त्याने आपण खूप श्रीमंत असल्याचे सांगून मोबाईलवर घराचे खोटे छायाचित्र दाखवले. पुढे दोघांमध्ये प्रेमसंबंध निर्माण झाले. एक दिवस दोघांनी पळून जाऊन विवाह करण्याचे ठरवले. मंदिरात जाऊन विवाह केला आणि तो तिला घरी घेऊन गेला. मात्र, घरी गेल्यानंतर युवतील धक्काच बसला. मोठ्या घराऐवजी एक छोटी झोपडी होती. तिने तत्काळ याबाबतची माहिती घरी कळवली. कुटुंबियांनी तिला पोलिस चौकीत यायला सांगितले. काही वेळातच युवती व तिचे कुटुंबिय चौकीत आले. येथे आल्यानंतर युवतीच्या हातामधील बांगड्या काढण्याबरोबरच सिंदूर पुसून काढला आणि विवाह झालाच नसल्याचे सांगितले. याबाबत कोणाचीही तक्रार दाखल झालेली नाही.
युवती चौकीतच युवकाला म्हणाली, तू मला खोटी माहिती देवून विवाह करायला लावला. पण, तुझे घर पाहिल्यानंतर मला धक्का बसला. तू जसे मला फसवले तसे मी सुद्धा तुला फसवले. आपला विवाहच झालेला नाही असे सांगून आई-वडिलांसोबत घरी गेली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.